| e-texts navigator |
| Wylie |
219a1 ཁྲག། ཙཽ་རཱི་འབྲེལ་བ་མདའ་གཞུ་འགེངས།། ཕྲ་མོ་གཡས་ན་ཆུ་སྲིན་འཕྱར།། བེ་ཏ་ནག་མོ་རྡོ་རྗེ་འཕྱར།། པུཀྐ་ལག་ན་རྒྱུ་ཞགས་འདྲེན།། གྷསྨ་ཁྲག་ཆེན་འཐུང་ཞིང་དཀྲུག། སྨ་ཤ་ལོག་རྟོག་བྱི་སྙིང
219a2 ཟ།། ཙཎྜ་འཁོར་བའི་མགོ་ལུས་འབྲལ།། སེང་གེ་སྟག་གིས་ཕྱག་བསྣོལ་ཏེ།། ཁྭ་ཡི་ཕྱག་གིས་དགྲ་སྙིང་ལྡག། སྦྲང་ཀིའི་མགོ་ཡིས་སྙིང་ལ་འབྲད།། བྱ་རྒོད་སྤུ་གྲི་བྷནྡ་འཛིན།། ཀངྐ་མགོ་ཡིས་ཞིང་ཕྲག་གཟར།། བྱ
219a3 རོག་མགོ་ཡིས་གྲི་ཐོད་འཛིན།། འུག་པའི་མགོ་ཡི་ལྕགས་ཀྱུ་ཁྲག། སྨོས་པའི་ཕྱག་ན་ཕྱག་མཚན་ཅན།། གཞན་ནི་བཏང་སྙོམས་མཛད་པ་དང་།། གཉིས་ཀ་གང་སྨོས་རྫོགས་པའི་ཕྱག། སྐུ་ནི་ཐམས་ཅད་དབྱིངས་སུ
219a4 གཅིག། དཀྱིལ་འཁོར་འདི་ཡིས་ལས་རྣམས་བྱེད།། རྣལ་འབྱོར་དབང་ཕྱུག་ཆེན་པོ་རལ་གཅིག་མའི་རྒྱུད་ལས། དབང་བསྐུར་བ་དང་། དཀྱིལ་འཁོར་བསྟན་པའི་ལེའུ་སྟེ་དང་པོའོ།། །། དེ་ནས་གསང་བའི
219a5 བདག་པོས་གསོལ་པ། བཅོམ་ལྡན་འདས་སྦྱིན་སྲེག་གི་ལས་ཀྱི་སྦྱོར་བ་ཇི་ལྟ་བུ་གྲུབ་པ་བསྟན་དུ་གསོལ། བཅོམ་ལྡན་འདས་ཀྱིས་གསུངས་པ།། གསང་བའི་བདག་པོ་འདི་ལྟ་སྟེ།། དཀྱིལ་འཁོར་ཆེན་པོའི་ཤར
219a6 ལྷོའམ།། ཡང་ན་བྱང་ཤར་ཉིད་ཀྱང་རུང་།། དེ་བཞིན་ལྷོ་དང་ནུབ་ཏུ་ཡང་།། གཟུང་འཛིན་བདག་པོ་ཞལ་བྲི་སྟེ།། མདོག་ངན་ཁམ་ནག་རལ་པ་ཅན།། ཤེལ་མིག་ཁྲོ་གཉེར་ཁ་ཟུར་གསུམ།། ཚེར་མ་ཅན་གྱི་ཤིང་དག
iiif viewer powered by OpenSeadragon
