| e-texts navigator |
| Wylie |
218b1 འཁོར་ལོ་དང་། བར་ཁྱམས་དང་། སྒོ་ཁྱུད་དང་། ལྕགས་རི་དང་། རྡོ་རྗེའི་ཕྲེང་བ་དང་། མེའི་ཕྲེང་བ་དང་། དྲ་བ་དང་། དྲ་བ་ཕྱེད་པ་དང་། མཚོ་དང་། བྱ་དང་། ཤིང་དང་། གཅན་གཟན་དང་། དུར་ཁྲོད་ལ་སོགས
218b2 པས་ཕྱི་རོལ་བརྒྱན་པའི་ནང་ན། མ་མོ་དང་། མཁའ་འགྲོ་དང་། སྲིན་པོ་དང་། སྲིན་མོ་ལ་སོགས་པ་རྣམ་པར་དག་པ་ཅན་མ་ཡིན་པ། དཀྱིལ་འཁོར་གྱི་ལྷར་མི་རྟོགས་པ་རྣམས་ཀྱིས་བསྐོར་བའོ།། དེའི་དབུས་ན
218b3 དཔལ་རལ་པ་གཅིག་མ་དབུས་ཀྱི་ལྷགས་རླུང་འཚུབ་མའི་ནང་ན། དྲེའུ་རྐང་གསུམ་ཞོན་པ། མཆེ་བ་རྣམ་པར་གཙིགས་པར་གྱུར། ཁམ་ནག་རལ་པ་གཅིག་ཏུ་དྲིལ་བ་རེ་ལྡེ་དང་གླང་གི་ཀོ་བའི་ཤམ་ཐབས་བྱས་པ།
218b4 སྦྲུལ་གྱི་རྣ་ཆ་དང་། སེང་གེས་བརྒྱན་པ།། ལྟེ་བའི་སྟེང་དུ་ཉི་མ་དང་། སྤྱི་བོའི་གཙུག་ནས་ཟླ་བ་འཆར་ལ། སྤྱན་གསུམ་དང་ལྡན་པ། ལག་པ་གཡས་པ་རླུང་ནག་གི་ནང་ནས་རལ་གྲི་འབྱིན་པ། ལག་པ་གཡོན་པ་རིན
218b5 པོ་ཆེའི་ནེའུ་ལེ་འཛིན་པ། གཞན་ཡང་དུར་ཁྲོད་ཀྱི་ཚངས་པ། མིའི་རྒྱུ་མ་ལུགས་ཀྱིས་བཀང་བ་ཞལ་དུ་གསོལ་བ། གཞན་ཡང་སྒེག་པ་དང་། དཔའ་བ་དང་། སྨྱོ་བ་དང་། རྒོད་པ་དང་། ཁྲོ་བ་དང་། འཇིགས་སུ་རུང
218b6 བ་དང་། རྨད་དུ་བྱུང་བ་དང་། སྙིང་རྗེ་ཆེ་བ་དང་། ཞི་བ་ལ་སོགས་པ་དང་ལྡན་པར་གྱུར་ཏོ། དེ་ནི་འདི་ལྟ་སྟེ། མཐིང་ནག་ཞལ་གཅིག་ཕྱག་གཉིས་པ།། རལ་གྲི་ནེ་ལེ་ཡང་དག་འཛིན།། མཐིང་ནག་ཀོ་རཱི་དབྱུག་པ
iiif viewer powered by OpenSeadragon
