| e-texts navigator |
| Wylie |
218a1 རྒྱུད་ཀྱི་དོན་དག་པར་དྲི་བར་གྱུར་ཏོ།། དེ་ནས་དེ་བཞིན་གཤེགས་པས་ཉི་ཟླའི་སྟེང་ལྷ་མོ་བཅུ་དྲུག་བཞུགས་ནས་ཧ་དང་ཧེར་གྱུར་པ་རྣམས་ཡིག་འབྲུ་རྣམ་བཟུང་སྟེ་སྤྱི་བོར་བཞག་པ་དང་། སྐུ་དང་དབུ
218a2 དང་ཕྱག་མཚན་རྣམས་རིམ་པར་རྫོགས་ཏེ། འུག་པའི་མགོ་ལ་ཐུག་པ་རྣམས་གསང་སྔགས་འདིས་བྱིན་གྱིས་བརླབས་སོ།། བཛྲ་ཀོ་རཱི་ཙཽ་རཱི་པྲ་མོ་ཧ་བེ་ཏ་ལཱི་པུཀྐ་སཱི་གྷ་སྨ་རཱི་སྨ་ཤ་ནཱི་ཙཎྜ་ལཱི། སིདྷི་མུ་ཁཱི། བྱཱ་གྷྲ་མུ་ཁཱི།
218a3 སྲྀ་ལ་མུ་ཁཱི། ཤྲ་ན་མུ་ཁཱི། གྲྀ་ཌྷ་མུ་ཁཱི། ཀངྐ་མུ་ཁཱི། ཀ་ཀ་མུ་ཁཱི། ཨུ་ལཱུ་ཀ་མུ་ཁཱི། ཨ་བྷི་ཥིཉྩ་ཧཱུཾ། ཞེས་གསུངས་པ་དང་།། དམ་ཚིག་གི་ལྷ་མོ་དབུ་ཅུ་བདུན་ཕྱག་སུམ་བཅུ་རྩ་གཉིས་དང་ལྡན་པར་གྱུར་ཏོ།། གསང་བ
218a4 ལས་གྱུར་འདི་ཉིད་ལ།། ཡེ་ཤེས་རྣམས་ཀྱིས་དབང་བསྐུར་བ། རྫོགས་པའི་ཚུལ་གྱིས་ཕྱག་རྒྱ་ཆེ།། བྱིན་བརླབ་གཉིས་མེད་ཐོབ་པར་ཤོག། དེ་ནས་ཕྱག་ན་རྡོ་རྗེས་གསོལ་པ།། བཅོམ་ལྡན་འདས་དེའི་དཀྱིལ་འཁོར
218a5 བསྟན་དུ་གསོལ། བཅོམ་ལྡན་འདས་ཀྱིས་གསུངས་པ། ལྟེ་བ་མུ་ཁྱུད་དང་བཅས་པ།། རྣམ་པར་དག་པ་དག་ཉིད་ཀྱིས།། དཀྱིལ་འཁོར་ལྷ་ཡང་བྱིན་གྱིས་བརླབ།། ཡེ་ཤེས་འབར་བའི་འཁོར་ལོ་བཞི།། དཀྱིལ་འཁོར
218a6 རྣམ་པར་དག་པའི་གནས།། གཞལ་ཡས་ཁང་གི་བར་ཁྱམས་ནི།། གྲུ་ཆད་རྩིབས་མཚམས་བཅས་པ་ལ།། ཡུལ་དང་ཤེས་པ་རྣམ་པར་དག། དཀྱིལ་འཁོར་ལྷ་ནི་སྒོ་བཞིའོ།། འདི་ལྟ་སྟེ། དཀྱིལ་འཁོར་གྱི་ལྟེ་བ་དང་།
iiif viewer powered by OpenSeadragon
