| e-texts navigator |
| Wylie |
217a1 རྒྱ་གར་སྐད་དུ། ཨེ་ཀ་ཛ་ཏི་མ་ཧཱ་ཡོ་གཱི་ཤྭ་རཱི་ཏནྟྲ། བོད་སྐད་དུ། རྣལ་འབྱོར་དབང་ཕྱུག་ཆེན་མོ་རལ་གཅིག་མའི་རྒྱུད། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད
217a2 བདག་གིས་ཐོས་པ་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་རང་བཞིན་གྱི་གནས། ཡུམ་གྱི་བྷ་ག་རྣམ་པར་དག་པའི་དབྱིངས་ན་བཞུགས་སོ།། ཉིད་ལས་མི་གཞན་པའི་དེ་བཞིན
217a3 གཤེགས་པ་དང་། མཛེས་པའི་མ་མོ་ཆེན་པོ་ཀོ་རཱི་དང་། ཙོ་རཱི་དང་། པྲ་མོ་དང་། བེ་ཏ་ལཱི་དང་། པུཀྐ་སཱི་དང་། གྷསྨ་རཱི་དང་། སྨ་ཤི་ནི་དང་། ཙཎྜ་ལཱི་ལ་སོགས་པ་དང་། གཞན་ཡང་སེང་གེའི་མགོ་ཅན་དང་། དེ
217a4 བཞིན་དུ་སྟག་དང་། ཝ་དང་། སྤྱང་ཀི་དང་། བྱ་རྒོད་དང་། ཀང་ཀའི་མགོ་དང་། བྱ་རོག་གི་མགོ་དང་། འུག་པའི་མགོ་ཅན་ལ་སོགས་པའོ།། གཞན་ཡང་ལྕགས་ཀྱུ་ཅན་དང་། ཞགས་པ་དང་། ལྕགས་སྒྲོག་དང་། དྲིལ
217a5 བུ་ཅན་ལ་སོགས་པ་དང་ལྡན་པར་གྱུར་ཏོ།། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གསང་བའི་བདག་པོ་ལག་ན་རྡོ་རྗེ་ལ་སོགས་པའི་བྱང་ཆུབ་སེམས་དཔའ་རྣམས་དང་ཐབས་ཅིག་ཏུ་བཞུགས
217a6 སོ།། དེའི་ཚེ་དེའི་དུས་ན་འདི་ཉིད་ལྟར་རང་བཞིན་གྱི་དཀྱིལ་འཁོར་གྱི་ཡབ་ཡུམ་གྱི་བྷ་ག་རྣམ་པར་དག་པ་མ་མཐོང་བ་རྣམས་ནི།། གནོད་སྦྱིན་དང་། གནོད་སྦྱིན་མོ་དང་། སྲིན་པོ་དང་སྲིན་པོ་དང་། མ་མོ་དང་།
iiif viewer powered by OpenSeadragon
