| e-texts navigator |
| Wylie |
216b1 སྔགས་བརྒྱ་ཕྲག་རེ་རེ་བཟླས།། བསད་པའི་སྔགས་དང་སྤེལ་བྱས་ན།། མྱུར་དུ་འཕོ་བར་ཐེ་ཚོམ་མེད།། བསད་པའི་མཆོག་ཏུ་བྱ་བ་ནི།། ཤ་དང་རུས་པ་ཁྲག་ལས་སུ།། བྱས་པའི་དཀྱིལ་འཁོར་ཆེན་པོ་ཡང་།། ནག་པོ
216b2 བདུན་རྩེགས་དག་ཏུ་བྱ།། དྲག་སྔགས་བདུན་གྱིས་ཞག་བདུན་དུ།། ཤིན་ཏུ་བཏུད་དེ་ལས་བྱའོ།། ནག་པོ་ཆེན་པོ་གཅེར་བུའི་རྒྱུད་ལས།། དྲག་སྔགས་བདུན་གྱིས་གསད་པའི་ལེའུ་སྟེ་བཅུ་གཅིག
216b3 པའོ།། །། དེ་ནས་ལྷའི་བུས་གསོལ་པ།། ལེགས་སོ་ལེགས་སོ་ལེགས་པར་གསུངས།། བསྟན་པ་བསྲུང་བའི་དོན་དུ་གསུངས།། གཟུང་ངོ་གཟུང་ངོ་དམ་དུ་གཟུང་།། བསྟན་པ་གནས་པར་བྱ་ཕྱིར
216b4 གཟུང་།། དེ་ནས་གསང་བདག་བཀའ་སྩལ་པ།། ནག་པོ་ཆེན་པོ་དྲག་པོ་འདི།། གསང་སྔགས་དམ་པ་གནས་པ་དང་།། བསྟན་པ་ཡུན་དུ་བསྐྱང་བའི་ཕྱིར།། ལྷ་ཡི་བུ་ཉིད་ཁྱོད་ཀྱིས་གཟུང་།། དཀོན་མཆོག་གསུམ་པོ
216b5 འཇིག་རྟེན་དུ།། ནུབ་པར་མི་འགྱུར་བྱ་བའི་ཕྱིར།། བསྟན་པ་བསྲུང་བའི་རྒྱུད་མཆོག་འདི།། སྐུ་གསུང་ཐུགས་ལ་ཕྱག་མཛད་དེ།། ལས་ཀྱི་མགོན་པོ་ཁྱོད་ལ་གཏད།། ལས་ཀྱི་མགོན་པོ་ཐམས་ཅད་ཀྱང་།། མཐུན་པར
216b6 རྗེས་སུ་ཡི་རངས་ཏེ།། བཅོམ་ལྡན་འདས་ལ་མངོན་པར་བསྟོད་དོ།། ནག་པོ་ཆེན་པོ་གཅེར་བུའི་རྒྱུད་ལས་གཏད་པའི་ལེའུ་སྟེ་བཅུ་གཉིས་པའོ།། །། ནག་པོ་ཆེན་པོ་གཅེར་བུའི་རྒྱུད་རྫོགས་སོ།། །
iiif viewer powered by OpenSeadragon
