| e-texts navigator |
| Wylie |
215b1 བཅས་ཏེ།། དེ་ཉིད་རབ་ཏུ་མཆོད་པར་བྱ།། ལས་རྣམས་མ་གྲུབ་བར་དུ་བཅང་།། དེ་ནས་ཕྱིས་ཀྱང་སྤེལ་མི་བྱ།། ནག་པོ་ཆེན་པོ་གཅེར་བུའི་རྒྱུད་ལས། ནང་གི་ཚུལ་དུ་ཐུན་གྱིས་བསད་པའི་ལེའུ་སྟེ་དགུ
215b2 པའོ།། །། བསད་པའི་དྲག་སྔགས་བདུན་པོ་དེ།། དབང་མ་ཐོབ་པར་བཟླས་ན་ནི།། སྔགས་ཀྱི་ནུས་པ་མི་ཐུབ་པས།། བྱད་ཀྱི་ཤིང་ནི་མི་ཐུབ་བཞིན།། ཆུ་ཡང་འབོ་ཞིང་སྣོད་ཀྱང་འཆག། དེ་བཞིན་དབང
215b3 བསྐུར་ཐོབ་པས་བཟླས།། རི་རབ་ཆེན་པོའི་སྟེང་ཉིད་དུ།། བཅོམ་ལྡན་རྡོ་རྗེ་ཅན་དེ་ཡིས།། ལྷ་ཡི་དབང་པོ་བརྒྱ་བྱིན་ལ།། གཏད་པས་དྲག་སྔགས་མ་ཐུབ་པས།། ལྷ་ཡི་སྲིན་པོའི་ལུས་སུ་གྱུར།། ཉི་ཟླ་གཟའ་སྐར་ས
215b4 ལ་ལྷུང་།། རྡོ་རྗེ་ཅན་དག་ཉིད་ལ་ཕུལ།། དེ་ནས་བདུད་ཀྱི་རྒྱལ་པོ་ནི།། གཞན་འཕྲུལ་དབང་བྱེད་རྒྱལ་པོ་སྟེ།། དགའ་རབ་དབང་ཕྱུག་ལ་གཏད་པས།། བདུད་ཀྱི་དྲག་སྔགས་མཐུ་བོ་སྟེ།། བདུད་ཀྱི་ཡུལ་ཡང་སང
215b5 འཇིག་སྙམ།། ལུས་ཀྱང་རུལ་པ་ཉིད་དུ་དོགས།། རྡོ་རྗེ་ཅན་དག་ཉིད་ལ་ཕུལ།། དེ་ནས་ཀླུ་ཡི་རྒྱལ་པོ་ནི།། རྒྱལ་རིགས་ཆེན་པོ་ལ་གཏད་པས།། ཀླུ་ཡིས་དྲག་སྔགས་མ་ཐུག་སྟེ།། རྒྱ་མཚོ་ཆེན་པོ་སྐམས་པར
215b6 འགྱུར།། ཀླུ་ཡི་ལུས་ཀྱང་རུལ་པར་དོགས།། རྡོ་རྗེ་ཅན་དག་ཉིད་ལ་ཕུལ།། དེ་ནས་རྡོ་རྗེ་འཆང་ཆེན་དེས།། ལྷ་ཡི་མགོན་པོ་ནག་པོ་ལ།། སྐུ་གསུང་ཐུགས་ཀྱི་དབང་བསྐུར་ནས།། དྲག་སྔགས་བདུན་པ་དེ་ལ
iiif viewer powered by OpenSeadragon
