| e-texts navigator |
| Wylie |
214a1 པའོ།། །། དེ་ནས་ལྷའི་བུས་གསོལ་པ།། དེ་ལྟར་བསྙེན་ཅིང་བསྒྲུབ་པ་ཡི།། རྡོ་རྗེ་མགོན་པོ་ནག་པོ་དེ།། བྱ་བའི་ལས་ལ་ཇི་ལྟར་སྦྱར།། འདོད་པའི་དངོས་གྲུབ་ཅི་ལྟར་བླང་།། རྡོ་རྗེ་ཅན་གྱིས
214a2 བཀའ་སྩལ་པ།། འདི་ལ་ཕྱི་ནང་རྣམ་པ་གསུམ།། ཕྱི་ལྟར་དངོས་གྲུབ་སྒྲུབ་པ་ནི།། པདྨ་ཆེན་པོ་དེ་དབུས་སུ།། རྡོ་རྗེ་མགོན་པོ་སྤྱན་དྲངས་ཏེ།། ཞལ་ཟས་སྣ་ཚོགས་མདུན་བསགས་ཏེ།། གསང་སྔགས་རྒྱལ་པོ་རྫོགས
214a3 པ་དེ།། དངོས་གྲུབ་སྔགས་ནི་ཁྲི་ཁྲག་གཅིག། དེ་རུ་བཟླས་པ་བྱས་པ་ཡིས།། ཡིད་ལ་ཅི་བསམ་འགྲུབ་པར་འགྱུར།། ཨོཾ་མ་ཧཱ་ཀ་ལ་དེ་བ་སིད་དྷ་ཡ་ན་ཛ། མ་མ་སིདྡྷི་གུ་རུ།། ཞེས་བཟླས་སོ།། འདི་བཟླས་པས་ཁམས
214a4 གསུམ་གྱི་རྒྱལ་པོར་འགྱུར། བུ་དང་བུ་མོའི་རིགས་རྒྱུད་འཕེལ་བར་འགྱུར།། ནད་དང་སྡུག་བསྔལ་ཞི་བར་འགྱུར་རོ།། ཡིད་ལ་བསམས་པ་ཐམས་ཅད་འགྲུབ་པར་འགྱུར་རོ།། ནག་པོ་ཆེན་པོ་གཅེར་བུའི་རྒྱུད་ལས།
214a5 དངོས་གྲུབ་བསྒྲུབ་པའི་ལེའུ་སྟེ་བརྒྱད་པའོ།། །། དེ་ནས་ནང་གི་དངོས་གྲུབ་དམ་པ་ནི།། བསྟན་པ་འཇིག་པའི་རཱ་ཏྲ་ལ།། ལས་ཀྱི་མགོན་པོ་རྦད་པ་ནི།། རབས་ཆད་ཐོད་པ་མཚན་ངན་ལ།། གཤེགས་ཏེ
214a6 ལེགས་པར་ལྷག་པ་དང་།། ཨག་ཅོ་སྲོག་བདུད་ཆེན་པོ་ཡབ།། ཁྲག་དང་དུག་གི་བྲི་བར་བྱ།། ལྟེ་བ་སྲོག་གི་འཁོར་ལོར་བཅས།། སྣ་ཚོགས་རྡོ་རྗེ་ཐོད་པས་བརྒྱན།། སྲོག་གི་སྔགས་དང་སྦྲེལ་བར་བྱ།། སྟེང་གི་ལྡིང
iiif viewer powered by OpenSeadragon
