| e-texts navigator |
| Wylie |
212b1 ཡི་གེ་ལས།། དར་ནག་བཀླུབས་པའི་བེར་ནག་ཅན།། ཉི་མ་ཟླ་བས་དེ་བཞིན་བརྒྱན།། ཨརྱ་ཀྲ་མའི་གདན་ལ་ནི།། ཁ་ཊྭཱཾ་ག་དང་ཐོད་པ་འཆང་།། མགོན་བྱེད་པ་ཡི་མཆོག་ཏུ་བསྒོམ།། སྤྱན་དྲངས་བཞུགས་དང
212b2 མཆོད་པ་ནི།། འོད་ཟེར་ཚུལ་གྱི་གསལ་བར་བྱ།། ཨོཾ་མ་ཧཱ་ཀ་ལ་བེ་བེ་ཧྲྀ་ཧྲྀ་ཨ་གད་ཛ་ཡ་ས་མ་ཡ། ཨརྒྷཾ། དུཾ། དུསྨཻ། གན་དྷཾ། བི་བཾ། བྷ་ལིཾ་ཧཾ། མཱ་མ་སརྦ་ཤ་ལ་མུ་ཀཾ་བེ་ལེ་བ་ས་ལ་ས་རུ་ཏི་ཙི་བཾ་པྲི་ཡཾ། ཀ་ཀྵ་ནི་ཨི
212b3 དཾ་དྷ་བ་ལིཾ་གྷྲྀ་ཧྣ་གྷྲྀ་ཧཱ། ཁཱ་ཧི་ཁཱ་ཧི། བུན་ཛ་ཧོ་བི་པ་ཧོ། ས་མ་ཡ། ཨ་ཏི་ཀྲ་མ་ཡ་ཧཱུཾ་ཕཊ། དེ་ནས་སྲོག་གི་སྙིང་པོ་ནི།། ཁྲི་ཕྲག་ལྔ་ཡིས་ལས་རྣམས་འགྲུབ།། ཨོཾ་མ་ཧཱ་ཀཱ་ལ་ཏྲ་ག་ཤད་མ་ཧཱ་ཀ་ལ་སིདྡྷི་ཡཾ་དུ་ཛ། ནག་པོ
212b4 ཆེན་པོ་གཅེར་བུའི་རྒྱུད་ལས། ནང་གི་ཚུལ་དུ་མགོན་པོ་བསྒྲུབ་པའི་ལེའུ་སྟེ་ལྔ་པའོ།། །། དེ་ནས་རྡོ་རྗེ་མགོན་པོ་ཆེ། གསང་བའི་སྒྲུབ་པའི་ཐབས་མཆོག་ནི། གཞལ་ཡས་ཁང་པ་ལྷོ་ཕྱོགས་བལྟས།། ནང་དུ
212b5 དཀྱིལ་འཁོར་བཅའ་བ་ནི།། ཐོད་པ་འབར་བའི་དཀྱིལ་འཁོར་བརྩིག། ས་འཇམ་ཁྲག་གིས་བསྒྲུབ་པ་ལ།། རྟ་ལུག་མི་རུས་ཕྱེར་བཏགས་ནས།། ཟངས་དང་ལྕགས་ཕྱེ་བཏགས་ནས་ཀྱང་། གསང་བ་དམ་པའི་དཀྱིལ
212b6 འཁོར་བརྩིག། ལོག་པའི་ལུག་དང་རྟ་དང་ནི།། མི་དང་སྤྲེའུ་ཡི་ཐོད་པ་བརྩིག། ཟུར་བཞི་རིན་ཆེན་ཟངས་ལས་བྱས།། རྨང་དང་ཁ་ཕྱེར་ལྕགས་ལས་བྱས།། ཟུར་བཞི་རྒྱལ་མཚན་ཆེན་པོ་བཞི།། སྟག་གཟིག་དོམ
iiif viewer powered by OpenSeadragon
