| e-texts navigator |
| Wylie |
212a1 ཡང་།། དཀར་སེར་རཾ་གྱི་ཡི་གེ་ལས།། རིན་པོ་ཆེ་ཡི་དབུ་རྒྱན་ཅན།། ཉི་མ་ཟླ་བས་བརྒྱན་པ་ཡི།། ལྷ་མིན་རྒྱལ་པོའི་གདན་ལ་ནི།། ཁ་ཊྭཱཾ་རྩེ་གསུམ་རིན་ཆེན་འབར།། དགོངས་པ་ཐམས་ཅད་འགྲུབ
212a2 པར་བྱེད།། སྤྱན་དྲང་བཞུགས་དང་མཆོད་པ་ནི།། ཏིང་ངེ་འཛིན་གྱིས་གསལ་བར་བྱ།། ཨེ་ཧྱ་ཧི། བཛྲ་མ་ཧ་ཀཱ་ལ་ཨ་གད་ཛ་ཡ་ས་མ་ཡ་སྟཾ། ཨ་ཧ་ར། དུ་པ་པུཥྤ། དི་པ། རྒྱན་དྷེ། བྷ་ལིནྟ་པྲ་ཏི་ཛ་ཧོ་ཁཱ་ཧི། ཧོ་ཧེ་ཧཱུཾ
212a3 ཕཊ། དེ་ནས་སྲོག་གི་སྙིང་པོ་འབུམ་ཕྲག་གཅིག་གིས་ལས་རྣམས་འགྲུབ།། ཨོཾ་མ་ཧཱ་ཀཱ་ལ་ཡཀྵ་དེ་བ་སིང་དྷི་ཡཾ་དུ་ཛྫ། ལྷ་ཡི་རྒྱལ་པོའི་གསང་སྔགས་འདི།། གང་གིས་བཟླས་པས་དངོས་གྲུབ་ནི།། ལྷ་དང་མི་ཡི་དབང
212a4 པོ་ནི།། འཁོར་ལོས་སྒྱུར་བའི་དབང་པོ་རུ།། ཚེ་འདི་ཉིད་ལ་ཐོབ་པར་འགྱུར།། ནག་པོ་ཆེན་པོ་གཅེར་བུའི་རྒྱུད་ལས། ཕྱིའི་ལྷ་ཚུལ་དུ་མགོན་པོ་བསྒྲུབ་པའི་ལེའུ་སྟེ་བཞི་པའོ།། །། དེ་ནས་རྡོ་རྗེ་མགོན་པོ
212a5 ནི།། ནང་ཚུལ་བསྒྲུབ་པ་གསུངས་པ་ནི།། གཞལ་ཡས་ཁང་པ་ནུབ་བྱང་བསྟན།། ནང་དུ་དཀྱིལ་འཁོར་བརྩེག་པར་བྱ།། རྒྱས་པ་ཞི་བ་དབང་དྲག་པོ།། ཁྱམས་དང་སྒོ་བཞི་སྒོ་ཁྱུད་ལྡན།། མཚམས་དང་བྱ་བའི་རིམ་པ
212a6 ཡང་།། མ་ཧཱ་ཡོ་ག་དང་ནང་རྒྱུད་མཐུན་ཏེ་ལེགས་པར་བྱའོ།། བདག་ཉིད་ཡེ་ཤེས་རྡོ་རྗེ་ཅན།། དྲག་པོའི་ཚུལ་ཅན་སྐུ་མདོག་སྔོ།། འབར་བའི་ཧཱུཾ་ལས་བསྐྱེད་པར་བྱ།། རྡོ་རྗེ་མགོན་པོ་ནག་པོ་ཡང་།། དམར་ནག་རཾ་གྱི
iiif viewer powered by OpenSeadragon
