| e-texts navigator |
| Wylie |
211a1 བྱེད་པས།། རྡོ་རྗེ་མགོན་པོ་ཞེས་ཀྱང་བྱ།། སངས་རྒྱས་བསྟན་པ་འཛིན་པས་ན།། བྱང་ཆུབ་སེམས་དཔའ་ཞེས་ཀྱང་བྱ།། ཞེས་བཀའ་སྩལ་ཏོ། ནག་པོ་ཆེན་པོ་གཅེར་བུའི་རྒྱུད་ལས། ནག་པོ་ཆེན་པོའི
211a2 མཚན་བསྟན་པའི་ལེའུ་སྟེ་གཉིས་པའོ།། །། དེ་ནས་ལྷའི་བུས་གསོལ་པ། བཅོམ་ལྡན་འདས་གསང་བའི་བདག་པོ་ལགས། ལྷའི་རྒྱལ་པོ་ཆེན་པོ་ནི་མི་རྣམས་ཀྱི་མགོན་པོ་ཆེན་པོ་དེ་ལྟ་བུ་དེ་ལ། མཆོད་པའི
211a3 ཡོན་ཏན་དེ་ལྟ་བུ་དང་ལྡན་ན། མཆོད་པའི་ཐབས་ནི་ཇི་ལྟར་བགྱི། བསྒྲུབ་པའི་ཐབས་ནི་གང་། བསྙེན་པའི་ཐབས་ནི་དུ། གསང་བའི་བདག་པོས་བཀའ་སྩལ་པ། ལྷའི་བུ་ཉོན་ཅིག། སེམས་ཅན་ཀུན་གྱི་མགོན་བྱེད
211a4 པས།། རྡོ་རྗེ་མགོན་པོ་ནག་པོ་འདི།། མཆོད་པའི་ཐབས་ནི་གསུམ་དུ་ཤེས།། སྒྲུབ་པའི་ཐབས་ཀྱང་གསུམ་དུ་བསྟན།། བསྟན་པའི་ཐབས་ཀྱང་གསུམ་དུ་བསྟན།། ལྷའི་བུས་གསོལ་པ། གསང་བའི་བདག་པོ་མཆོད
211a5 པའི་ཐབས་གསུམ་གང་ཞེས་བགྱི། གསང་བའི་བདག་པོས་བཀའ་སྩལ་པ།། ཕྱི་རུ་མཆོད་དང་ནང་དུ་མཆོད།། གསང་བ་ཆེན་པོའི་མཆོད་ཐབས་སོ།། ལྷའི་བུས་གསོལ་པ། གསང་བའི་བདག་པོ་མཆོད་པའི་ཐབས
211a6 གསུམ་པོ་གང་།། གསང་བའི་བདག་པོས་བཀའ་སྩལ་པ།། ཕྱི་རུ་མཆོད་པའི་མཆོད་རྫས་ནི།། མཆོད་པ་ལྔ་དང་གཏོར་མའི་རྫས།། སྤོས་དཀར་མེ་ཏོག་དཀར་པོ་དང་།། ཙན་དན་ཁུ་བ་མར་མེ་བཤོས།། མངར་གསུམ
iiif viewer powered by OpenSeadragon
