| e-texts navigator |
| Wylie |
210b1 སྔགས་ཀྱི་མཐུ་ཆེན་པོས་ནག་པོའི་ཕྱོགས་ཐམས་ཅད་གཏུལ་ཏེ། དཀར་པོའི་ཕྱོགས་ཀྱི་བསྟན་པ་སྐྱོང་བར་གཏད་དོ།། ནག་པོ་ཆེན་པོ་གཅེར་བུའི་རྒྱུད་ལས། བྱུང་ཚུལ་གྱི་ལེའུ་སྟེ་དང་པོའོ།། །། དེ
210b2 ནས་འཁོར་དེ་ནས་ལྷའི་བུ་གྲགས་ལྡན་ཕྱོགས་ཞེས་བྱ་བ་གནས་པ་སྟན་ལས་ལངས་ཏེ། ཐལ་མོ་སྦྱར་ནས་བཅོམ་ལྡན་འདས་ལ་གསོལ་པ། ཀྱེ། གསང་བའི་བདག་པོ་ཆེན་པོ་ལགས། ལྷ་ཆེན་འདི་རུ་དབང
210b3 བསྐུར་བ།། ཅི་དོན་ལྷ་མིན་གཅིག་པུ་འམ།། གཞན་དོན་དགོངས་པ་ཡོད་དམ་ཅི།། གསང་བའི་བདག་པོས་བཀའ་སྩལ་པ།། འདི་རུ་ལྷ་མིན་འདུལ་བ་དང་།། མ་འོངས་བསྟན་པ་གཏད་པའི་ཕྱིར།། ང་ཡི་སྔགས་ཀྱིས
210b4 དབང་བསྐུར་ཏེ།། ང་ཡི་བསྟན་པར་གནས་པ་རྣམས།། རྡོ་རྗེ་མགོན་པོ་ལ་མཆོད་ན།། མོས་པ་དེ་ཡི་བསོད་ནམས་ཀྱང་།། རྒྱལ་པོ་བཞིན་དུ་འཕེལ་བ་དང་།། བསྟན་པ་ཡུན་དུ་གནས་པར་འགྱུར།། ང་ཡི་ལྷ་དང་མི
210b5 ཡི་མགོན།། ང་ཡི་ལྷ་རུ་མངའ་གསོལ་བས།། མ་འོངས་པ་ན་མཆོད་པ་ཡི།། དགེ་སློང་དེ་ནི་ཕམ་མི་འགྱུར།། ང་ཡི་དྲག་པོ་གསང་སྔགས་ཀྱིས།། དབང་ཆེན་བསྐུར་བའི་སྔགས་བདག་འདི།། མཆོད་པ་བྱེད་པའི་སྔགས
210b6 པ་འདི།། གཞན་གྱི་སྲོག་ལ་དབང་ཐོབ་འགྱུར།། ལྷ་རྣམས་ཀུན་གྱི་དེད་དཔོན་པས།། ལྷ་ཡི་རྒྱལ་པོ་ཞེས་ཀྱང་བྱ།། བསྟན་པ་འཇིག་པའི་སྲོག་གཅོད་པས།། བདུད་ཀྱི་རྒྱལ་པོ་ཞེས་ཀྱང་བྱ།། སེམས་ཅན་ཀུན་གྱི་དོན
iiif viewer powered by OpenSeadragon
