| e-texts navigator |
| Wylie |
209b1 པོའི་རྒྱུད་དྲག་པོ་བརྟག་པ་དུར་ཁྲོད་ཆེན་པོ་ཞེས་བྱ་བ་རྫོགས་སོ།། སྣ་ནམ་རྡོ་རྗེ་བླ་མས་བསྐུར་ཅིང་ཞུས་ཏེ་གཏན་ལ་ཕབ་པའོ།། །།
209b2 རྒྱ་གར་སྐད་དུ། མ་ཧཱ་ཀ་ལ་རཱུ་པ་བི་ཀྲན་ཏ་ཏན་ཏྲ་ནཱ་མ། བོད་སྐད་དུ། ནག་པོ་ཆེན་པོ་གཟུགས་ཅན་གཅེར་བུའི་རྒྱུད་ཅེས་བྱ་བ། རྡོ་རྗེ་མགོན་པོ་ནག་པོ་ལ་ཕྱག་འཚལ་ལོ།། འདི་སྐད་བདག་གིས་ཐོས་པ
209b3 དུས་གཅིག་ན། བཅོམ་ལྡན་འདས་ཕྱག་ན་རྡོ་རྗེ་རི་རབ་ཆེན་པོའི་སྟེང་། བྱང་ཕྱོགས་ལྕང་ལོ་ཅན་གྱི་ཕོ་བྲང་ན་བཞུགས་ཏེ། དེའི་ཚེ་རི་རབ་ཀྱི་བྱང་ཤར་ལྷ་མ་ཡིན་གྱི་གྲོང་ཁྱེར་སུམ་བརྩེགས་ཞེས་བྱ་བ་ན། ལྷ་མ་ཡིན
209b4 གྱི་རྒྱལ་པོ་ཧེར་ན་པག་ཤུ་ཞེས་བྱ་བ་གནས་ཏེ། ལྷ་རྣམས་ལ་འགྲན་ཏོ། འགྲན་པས་ལྷ་རྣམས་ཕམ་པར་གྱུར་ཏོ།། ལྷ་ཕལ་ཆེར་ལྷའི་ཡུལ་ལས་འཕོས་པར་གྱུར་ཏོ།། དེ་རྣམས་ཀྱིས་བསམས་པས་ལྷའི་བདག་པོ
209b5 ཆེན་པོ་དབང་ཕྱུག་ཆེན་པོའི་བུ་ལེགས་ལྡན་ནག་པོ་ཞེས་བྱ་བ། ལྷ་མ་ཡིན་གྱི་རྒྱལ་པོ་འདུལ་བར་འདྲ་སྟེ། ལེགས་ལྡན་ནག་པོ་ག་ལ་དེར་ལྷ་རྣམས་འདུས་ནས་སྨྲས་པ། ལྷ་ཆེན་པོ་ལེགས་ལྡན་ལྷའི་གནས་འདིར། ལྷ
209b6 མ་ཡིན་གྱི་རྒྱལ་པོ་འཁོར་དང་བཅས་པ་འོངས་པ་མི་ཤེས་སམ། འདི་དག་གིས་ནི་ལྷའི་རྒྱལ་སྲིད་ཀྱང་ཕམ་ལ་ཉེའོ།། དེའི་ཕྱིར་ཁྱེད་ཀྱི་མཐུས་སོམས་ཤིག། ཅེས་སྨྲས་སོ།། ལྷ་ཆེན་པོ་དེས་བསམས་པ། ལྷ་མ་ཡིན་གྱི
iiif viewer powered by OpenSeadragon
