| e-texts navigator |
| Wylie |
208b1 དང་ལྡན།། ཞེས་བཅོམ་ལྡན་འདས་ཀྱིས་བཀའ་སྩལ་ཏོ།། དཔལ་ནག་པོ་ཆེན་པོའི་རྒྱུད་དུར་ཁྲོད་ཆེན་པོ་ཞེས་བྱ་བ་ལས། ཡི་གེ་བཏུ་བའི་ལེའུ་སྟེ་དགུ་པའོ།། །། དེ་ནས་དཔལ་ནག་པོ་ཆེན་པོས་གསོལ་པ།
208b2 བཅོམ་ལྡན་འདས། སྐུ་གསུང་ཐུགས་ཀྱི་རང་བཞིན་གྱིས།། དཔལ་ལྡན་ནག་པོ་ཆེན་པོ་ཡི།། དངོས་གྲུབ་ངེས་པར་འགྲུབ་པ་དང་།། ཆོ་གའི་ལས་རྣམས་རྫོགས་པ་ཡི།། འགྲུབ་པའི་རྒྱུ་ནི་ཇི་ལྟར་ལགས།། བཅོམ་ལྡན
208b3 འདས་ཀྱིས་བཀའ་སྩལ་པ།། སྐུ་གསུང་ཐུགས་ཀྱི་རྡོ་རྗེ་དང་།། དཔལ་ལྡན་ནག་པོ་ཆེན་པོ་ཡི།། དངོས་གྲུབ་ཉེ་བར་འགྲུབ་པའི་རྒྱུ།། དམ་ཚིག་ཆོ་ག་འདི་དག་ལ།། གནས་པར་བྱེད་པའི་རྣལ་འབྱོར་པས།། དང་པོ
208b4 བསམ་གཏན་ཐོབ་པར་འགྱུར།། ཞེས་བཅོམ་ལྡན་འདས་ཀྱིས་བཀའ་སྩལ་ཏོ།། དེ་ནས་དཔལ་ནག་པོ་ཆེན་པོས་གསོལ་པ།། བཅོམ་ལྡན་འདས། དམ་ཚིག་ཇི་ལྟར་ལགས། བཅོམ་ལྡན་འདས་ཀྱིས་བཀའ་སྩལ
208b5 པ།། བླ་མ་སངས་རྒྱས་ཐམས་ཅད་དང་།། དཔལ་ལྡན་ནག་པོ་ཆེན་པོ་ནི།། རྟག་ཏུ་ཡིད་ལ་གནག་པར་བྱ།། དཔལ་ལྡན་ནག་པོ་ཆེན་པོ་ཡི།། སྔགས་དང་ཕྱག་རྒྱ་བསམ་གཏན་ལ།། ཡིད་ཀྱིས་སོམ་ཉི་མེད་པར
208b6 བྱ།། ཡོངས་སུ་མ་སྨིན་སེམས་ཅན་དང་།། བླ་མ་རྡོ་རྗེ་འཛིན་སྤོང་བ།། དམ་ཚིག་འདྲལ་བར་བྱེད་པ་དང་།། རྒྱལ་བའི་བསྟན་པ་འཇིག་བྱེད་པ།། དཔལ་ལྡན་ནག་པོ་ཆེན་པོ་ཡི། བསམ་གཏན་སྔགས་དང་ལྡན་འགྱུར།
iiif viewer powered by OpenSeadragon
