| e-texts navigator |
| Wylie |
205a1 ཀྱིས་བཀའ་སྩལ་པ།། སྐུ་གསུང་ཐུགས་ཀྱི་རྡོ་རྗེ་ནི།། ཡི་གེ་རྣམས་ཀྱི་མཆོག་ཏུ་འགྱུར།། རྩ་བ་སྙིང་པོར་ངེས་བཤད་པ།། སྔགས་དང་རྒྱུད་ཀྱི་དོན་གྱི་ཕྱིར།། ཡི་གེ་བཏུ་བ་བཤད་པར་བྱ།། ཞེས་བཅོམ
205a2 ལྡན་འདས་ཀྱིས་བཀའ་སྩལ་ཏོ།། དེ་ནས་དཔལ་ནག་པོ་ཆེན་པོས་གསོལ་པ།། བཅོམ་ལྡན་འདས། ཡི་གེ་བཏུ་བ་ཇི་ལྟར་ལགས།། བཅོམ་ལྡན་འདས་ཀྱིས་བཀའ་སྩལ་པ།། དང་པོར་རིག་བྱེད་རྒྱལ་པོ་ལ།། དང
205a3 པོར་ལྔ་པ་ཡན་ལག་རིང་།། གཉིས་པའི་ལྔ་པས་སྣ་ལྡན་མཆོད།། དང་པོ་ཐིག་ལེ་བཅས་པར་བཞག། གཉིས་པའི་ལྔ་པའི་ལྔ་པ་ནི།། སྣ་ལྡན་རིང་དང་བཅས་པར་གནས།། དེར་ནི་བརྒྱད་མཐར་གཞག་པར
205a4 བྱ།། གཉིས་པའི་དང་པོ་མིང་དང་ལྡན།། གཉིས་པའི་དྲུག་པའི་གསུམ་པ་ལ།། གཉིས་པའི་དྲུག་པའི་དང་པོ་བཞག། བརྒྱད་མཐའ་གཉིས་ནི་སྒྲ་ལྡན་མཆོག། དང་པོའི་གསུམ་པ་གདགས་པར་བྱ།། གཉིས་པའི་དང་པོའི
205a5 མཐའ་ཅན་ནི།། དང་པོ་གཉིས་དང་བཅས་པར་བཞག། གཉིས་ནི་རིང་ཐུང་སྒྲ་ཡིས་བརྗོད།། བསད་ན་ཚེག་དྲག་ལྡན་པར་བྱ།། གཉིས་པའི་ལྔ་པའི་གཉིས་པ་ལ།། གཉིས་པའི་གསུམ་པའི་དང་པོར་བཅས།། དྲག་པོའི་སྒྲ
205a6 དང་བཅས་པར་བཤད།། བརྒྱད་པ་ཡི་ནི་གསུམ་པ་ལ།། གཉིས་པའི་ལྔ་པའི་གསུམ་པ་གདགས།། དེར་ནི་བརྒྱད་པའི་མཐའ་ཅན་ནི།། རིང་པའི་སྒྲ་དང་ལྡན་པར་བཞག། ཅེས་བཅོམ་ལྡན་འདས་ཀྱིས་བཀའ་སྩལ
iiif viewer powered by OpenSeadragon
