| e-texts navigator |
| Wylie |
204b1 ནི།། མེ་ཐབ་ནང་དུ་བསྐྱེད་པར་བྱ།། སྣ་ཚོགས་པདྨ་ཉི་མར་བཅས།། རོ་ཡི་གདན་ལ་གནས་པ་ནི།། དཔལ་ལྡན་ནག་པོ་ཆེན་པོར་བསམ།། ཞལ་ནས་སྣ་ཚོགས་མེ་ཡི་འོད།། དྲག་པོའི་དབྱིབས་སུ་འབར་བར
204b2 བསམ།། བདག་གི་ཐུགས་ཀའི་ས་བོན་ལས།། འོད་ཟེར་ནག་པོའི་གཟུགས་སུ་སྤྲོ།། དེ་ཡིས་བསྒྲུབ་བྱ་དགུག་བྱས་ནས།། རྐང་པ་གཉིས་ནས་བཟུང་ནས་ནི།། དུག་གཏོར་དུ་ནི་སྦུགས་བྱས་ཏེ།། གཞན་ཡང་ནག་པོའི
204b3 ཞལ་དུ་སྤྲུགས།། དེ་ལ་བདག་ཉིད་རྣལ་འབྱོར་པས།། རོ་ཡི་གདན་ལ་འདུག་ནས་ནི།། མིག་ནི་ཟུར་གསུམ་མི་བཟད་པར།། བྱས་ནས་སོས་ནི་སོ་འཆར་ཞིང་།། བདག་ཉིད་ཐུགས་ཀའི་འོད་ཟེར་གྱི།། རྣོ་བའི
204b4 གཟུགས་ཀྱིས་བསྒྲུབ་བྱ་བཀུག། མེ་ཐབ་ནང་དུ་གནས་པ་ཡི།། དཔལ་ལྡན་ནག་པོ་ཆེན་པོ་ལ།། སྙིང་པོའི་སྔགས་ཀྱིས་དབུལ་བར་བྱ།། དེ་ལྟར་བརྒྱ་ནི་རྩ་བརྒྱད་པར།། མདུན་དུ་བྱས་ན་བསྒྲུབ་བྱ་ནི།། དེ་མ་ཐག་ཏུ
204b5 གསོད་པར་ནུས།། འགྲུབ་འགྱུར་འདི་ལ་ཐེ་ཚོམ་མེད།། ཅེས་བཅོམ་ལྡན་འདས་ཀྱིས་བཀའ་སྩལ་ཏོ།། དཔལ་ནག་པོ་ཆེན་པོའི་རྒྱུད་དུར་ཁྲོད་ཆེན་པོ་ཞེས་བྱ་བ་ལས། སྦྱིན་སྲེག་གི་ལེའུ་སྟེ་བརྒྱད
204b6 པའོ།། །། དེ་ནས་དཔལ་ནག་པོ་ཆེན་པོས་གསོལ་པ། བཅོམ་ལྡན་འདས། རྒྱུད་འདི་ངེས་པར་གསལ་བའི་ཕྱིར།། སྔགས་ཀྱི་དོན་དང་ལྡན་པ་ཡི།། ཡི་གེའི་དབྱེ་བ་ཇི་ལྟར་ལགས།། བཅོམ་ལྡན་འདས
iiif viewer powered by OpenSeadragon
