| e-texts navigator |
| Wylie |
203b1 བཀའ་སྩལ་ཏོ།། དེ་ནས་གཞན་ཡང་རབ་བཤད་པ།། ལིངྒ་རྫས་ཀྱི་རིམ་པ་ནི།། རྐང་རྗེས་ས་དང་སྐྲ་ཤད་དང་།། རོ་བསྲེགས་ཐལ་བ་དྲི་ཆེན་ཁྲག། བདུད་རྩི་ལྔ་དང་ཆུས་སྦྲུས་ལ།། བསྒྲུབ་བྱའི་གཟུགས་ནི་སོར
203b2 བརྒྱད་ལ།། སྙིང་གར་མིང་ཡིག་གཞུག་པར་བྱ།། མགོ་ལུས་ཚ་བའི་རྫས་ཀྱིས་བྱུགས།། བསམ་གཏན་སྔགས་དང་ལྡན་གྱུར་ནས།། བསྒྲུབ་བྱ་བཀུག་ནས་དེ་ལ་བསྟིམ།། སྔགས་ཀྱིས་དབྱེ་བའི་ཆོ་ག་བྱ།། མགོ་ནས
203b3 རྐང་པའི་མཐིལ་གྱི་བར།། བསད་སྔགས་ཚོར་མས་འབུམ་ཕྲག་བརྡེག། དེ་ནས་ནག་པོ་ཆེན་པོ་ཡི།། གྲི་གུག་རབ་གནས་བྱས་པ་ཡི།། མགོ་ནས་ཞབས་སུ་ཏིལ་གྱི་ཚད།། གཏུབ་ནས་ནག་པོའི་སྦྱིན་བསྲེག་བྱ།། རྫས
203b4 ནི་མི་རྐང་ལས་བྱུང་བའི།། ཆོ་དགང་གང་གཟར་བླུག་གཟར་བྱ།། དུར་ཁྲོད་ལས་བྱུང་ཚ་ཤིང་ཁ།། ཚེར་མ་སྣ་ཚོགས་དྲི་ང་བའི།། ཡམ་ཤིང་སོར་ནི་བཅུ་གཉིས་ཚད།། ཡང་ན་སོར་དྲུག་ཤེས་པར་བྱ།། ཡུངས་ཀར་ལ
203b5 དུ་ནག་པོ་དང་།། ཤ་ལྔ་ཉ་ཤ་ཆང་དང་ནི།། ཡུངས་ནག་ལ་ཕུག་ལྕགས་ཕྱེ་དང་།། ཁྲག་དང་བདུད་རྩི་དབུལ་བར་བྱ།། རིགས་ངན་ཤན་པ་ལས་བྱུང་བ།། སྦྱིན་སྲེག་མེ་ནི་ཡིན་པར་བཤད།། རྫས་ནི་འདི་དག་ལྡན
203b6 གྱུར་ན།། སྦྱིན་སྲེག་ཆོ་ག་ཉེས་པ་མེད།། ཅེས་བཅོམ་ལྡན་འདས་ཀྱི་བཀའ་སྩལ་ཏོ།། དེ་ནས་གཞན་ཡང་རབ་བཤད་པ།། དུས་ཀྱི་ཆོ་གས་འགྲུབ་པར་འགྱུར།། མང་པོའི་ཚེས་གཅིག་ལ་སོགས་པ།། ནག་པོའི་ཕྱོགས
iiif viewer powered by OpenSeadragon
