| e-texts navigator |
| Wylie |
202b1 ཡང་རབ་བཤད་པ།། གནས་ནི་དུར་ཁྲོད་ཆེན་པོ་ཡི།། རོ་སྲེག་མེ་ཐབ་ཁར་སྟོང་རམ།། རྡོ་རྗེའི་བྲག་ལ་སོགས་པ་ཡི།། འཇིགས་པའི་གནས་སུ་སྦྱིན་བསྲེག་བྱ།། མཆོད་པ་གཏོར་མ་སྲེག་པའི་རྫས།། དེ་དག་ཚོགས
202b2 པར་བྱས་ནས་ནི།། མེ་ཏོག་སྤོས་དང་མར་མེ་དྲི།། ཤ་ཆེན་ལྷ་བཤོས་སྲེག་པའི་རྫས།། ཁྱད་པར་གྱི་ནི་མཆོད་པར་བྱ།། ཆན་དང་དུག་གི་ལ་དུ་དང་།། སྦྲང་རྩི་རྒུན་འབྲུམ་སེ་འབྲུའི་ཆང་།། ཤ་ཆེད་ཉ་ཤ་བདུད་རྩི
202b3 ཁྲག། འདི་ནི་དཔལ་ལྡན་ནག་པོ་ཡི།། ཁྱད་པར་གཏོར་མ་ཡིན་པར་བཤད།། དེ་ནས་གཞན་ཡང་རབ་བཤད་པ།། དུར་ཁྲོད་ས་དང་ཆུ་འགྲམས།། མེ་ཐབ་ས་ལ་ཟབ་ཁུང་བྱ།། ཐབ་ནི་མཐིང་ནག་ཨེ་ཡི
202b4 དབྱིངས།། རྒྱ་ལ་ཁྲུ་གང་ཟབས་སུ་ཕྱེད།། སུམ་རིམ་དཔངས་ལ་སོར་གསུམ་སྟེ།། མོ་འོད་གྲི་གུག་ཐོད་པས་བརྒྱན།། དབུས་སུ་གྲི་གུག་ནག་པོ་བྲི།། ཐབ་ཀྱི་རིམ་པས་དེ་ལྟར་བཤད།། དེ་ནས་གཞན་ཡང་རབ་བཤད
202b5 པ།། དཔལ་ལྡན་ནག་པོ་ཆེན་པོ་ཡི།། བསམ་གཏན་སྔགས་དང་ལྡན་གྱུར་ནས།། ཐབ་ཀྱི་ནང་དུ་པད་ཉི་ཧཱུཾ། རཾ་ལས་མེ་ལྷ་བསྐྱེད་པར་བྱ།། ཞལ་གཅིག་པ་ལ་ཕྱག་གཉིས་པ།། ཕྱག་གཉིས་མེ་ཏོག་བགྲང་ཕྲེང
202b6 འཛིན།། མདོག་དམར་སྤྱན་བགྲད་ཞལ་གདངས་པ།། ཁྲོ་གཉེར་མཆེ་བ་གཙིགས་པའོ།། རང་བཞིན་མེ་དང་ཡེ་ཤེས་མེ།། ཕྱག་རྒྱ་བཞི་ཡི་སྦྱོར་བས་བསྟིམ།། གཉིས་མེད་གྱུར་པའི་ལྕེ་ལ་ཧཱུཾ།། བསམ་ནས་ལིངྒ་བསྲེག
iiif viewer powered by OpenSeadragon
