| e-texts navigator |
| Wylie |
202a1 ཀྱིས་བཀའ་སྩལ་པ།། སྦྱིན་སྲེག་ཆོ་གའི་རིམ་པ་ནི།། ཁྱད་པར་བདུན་དུ་ཤེས་པར་གྱིས།། བདག་དང་གནས་དང་མཆོད་གཏོར་དང་།། ཟབ་དང་ལྷ་དང་རྫས་དང་དུས།། རྣམ་པ་བདུན་དུ་རབ་ཏུ
202a2 བཤད།། ཅེས་བཅོམ་ལྡན་འདས་ཀྱིས་བཀའ་སྩལ་ཏོ།། དེ་ནས་དཔལ་ནག་པོ་ཆེན་པོས་གསོལ་པ།། བཅོམ་ལྡན་འདས། ཆོ་ག་འདི་ཡི་རིམ་པ་ཡིས།། བསྒྲུབ་པར་བྱ་བ་ཇི་ལྟར་ལགས།། བཅོམ་ལྡན་འདས་ཀྱིས
202a3 བཀའ་སྩལ་པ།། དང་པོ་བདག་ཉིད་རྣལ་འབྱོར་ནི།། བསྲུང་བའི་འཁོར་ལོ་བསྒོམ་པར་བྱ།། ཆོས་འབྱུང་ནང་དུ་རྡོ་རྗེ་བྲག། པད་ཉིའི་སྟེང་ན་རོ་ཡི་གདན།། དེ་སྟེང་ཧཱུཾ་ལས་གྲི་གུག་གྱུར།། དེ་ལས་ནག་པོ་ཆེན་པོ
202a4 བསྐྱེད།། མཐིང་ནག་ཞལ་གཅིག་ཕྱག་གཉིས་པ།། དབུ་སྐྲ་ཁམ་སེར་གྱེན་དུ་བརྫེས།། སྤྱན་གསུམ་སྡང་མིག་མེ་ཡི་འོད།། གཡས་ན་གྲི་གུག་གཡོན་ཐོད་པ།། དོ་ཤལ་ཐོད་པའི་ཕྲེང་བས་བརྒྱན།། བརྐྱང་བསྐུམ་རོ་ཡི
202a5 གདན་ལ་འགྱིང་།། མེ་དཔུང་དབུས་ན་དམ་ཚིག་བསྐྱེད།། ཡེ་ཤེས་སྤྱན་དྲང་གཉིས་མེད་བྱ།། དབང་བསྐུར་མི་བསྐྱོད་དབུ་ལ་བརྒྱན།། མདུན་གྱི་ནག་པོ་ཆེན་པོ་ཡང་།། དེ་ལྟར་དུས་མཚུངས་རྫོགས་པར
202a6 བསྐྱེད།། མཆོད་དང་གཏོར་མ་བྱས་ནས་སུ།། གཉིས་མེད་ཐུགས་ཀའི་བཟླས་པ་བྱ།། དེས་ནི་ནག་པོའི་མཚན་མ་རྙེད།། དེ་ནས་སྦྱིན་བསྲེག་བརྩམ་བྱ་ཞེས།། བཅོམ་ལྡན་འདས་ཀྱིས་བཀའ་སྩལ་ཏོ།། དེ་ནས་གཞན
iiif viewer powered by OpenSeadragon
