| e-texts navigator |
| Wylie |
201b1 བཞག། དེ་ཡི་སྟེང་དུ་འཁོར་ལོ་ནི།། དུར་ཁྲོད་ཀྱི་ནི་ཕ་གུ་ལ།། ཨུ་ཙིན་ཏི་ཡི་ཁུ་བས་བྲིས།། སྔགས་ནི་དུར་ཁྲོད་སྣག་ཚས་དགོད།། ཨོཾ་མ་ཧཱ་ཀཱ་ལ་ཡ། བཛྲ་ཙཀྲ་བར་ར་ཏི། ཨ་མུ་ཀ་སྟཾ་བྷ་ནི་སྟཾ་བྷ་ནི། མོ་ཧ་ནི་མོ་ཏ
201b2 ནི། ཁེ་ཙ་རཱི་བྷན་དྷཾ། བྷུ་ཙ་རཱི་བྷན་དྷཾ། པཱ་ཏཱ་ལ་བྷ་ས་ནི་བྷན་དྷཾ། ཧཱུཾ་ཧཱུཾ་ཕཊ་ཕཊ་སྭཱ་ཧཱ། འདི་ནི་འཁོར་ལོར་དགོད་པར་བྱ།། དེ་སྟེང་སྦྱིན་སྲེག་ཐལ་བས་དགང་།། དེ་ལྟར་ཞག་བདུན་བྱས་གྱུར་ན།། གནན་པས་གསང།
201b3 པའི་སྦྱོར་བ་རྫོགས།། ཁྱབ་འཇུག་མ་ཧཱ་དེ་བ་དང་།། ཚོགས་ཀྱི་བདག་པོ་ལ་སོགས་པའི།། འདོད་པའི་ལྷ་རྣམས་མནན་ནུས་ན།། གཞན་དག་སྨོས་ཀྱང་ཅི་ཞིག་དགོས།། དེ་སྐད་ཅེས་བཅོམ་ལྡན་འདས་ཀྱིས་བཀའ
201b4 སྩལ་ཏོ།། དཔལ་ནག་པོ་ཆེན་པོའི་རྒྱུད་དུར་ཁྲོད་ཆེན་པོ་ཞེས་བྱ་བ་ལས། མནན་པའི་ལེའུ་སྟེ་བདུན་པའོ།། །། དེ་ནས་ནག་པོ་ཆེན་པོས་གསོལ་པ། བཅོམ་ལྡན་འདས། མཚམས་མེད་ལ་སོགས་བྱེད་པ
201b5 དང་།། གདུག་པ་ཐམས་ཅད་བསྒྲལ་བ་ཡི།། ཆོ་གའི་ཁྱད་པར་ཇི་ལྟར་ལགས།། བཅོམ་ལྡན་འདས་ཀྱིས་བཀའ་སྩལ་པ།། སྦྱིན་སྲེག་ལས་རྣམས་ཀུན་གྱི་མཆོག། ཁྱད་པར་དུ་ནི་གསད་པ་ཡི།། སྦྱིན་སྲེག་འདི་ནི་ཤེས
201b6 པར་གྱིས།། ཞེས་བཅོམ་ལྡན་འདས་ཀྱིས་བཀའ་སྩལ་ཏོ།། དེ་ནས་དཔལ་ནག་པོ་ཆེན་པོས་གསོལ་པ།། བཅོམ་ལྡན་འདས། གསད་པར་བྱ་བའི་སྦྱོར་བ་ཡི།། སྦྱིན་སྲེག་ཆོ་ག་ཇི་ལྟར་ལགས།། བཅོམ་ལྡན་འདས
iiif viewer powered by OpenSeadragon
