| e-texts navigator |
| Wylie |
201a1 བྱ།། ཞལ་གཅིག་ཕྱག་གཉིས་ཁྲུ་གང་ཚད།། ལྟོ་བར་འཁོར་ལོ་གཞུག་པར་བྱ།། ལུས་ནི་དུར་ཁྲོད་སྣག་ཚ་ཡིས།། ཁ་དོག་ཤིན་ཏུ་གནག་པར་བྱ།། མདུན་གྱི་ནག་པོའི་གཟུགས་སྐུ་ལ།། དཔལ་ལྡན་ནག
201a2 པོ་ཆེན་པོ་ཡི།། བསྐྱེད་པའི་རིམ་པ་ཚུལ་བཞིན་བསྒོམས།། བདག་ཉིད་ཐུགས་ཀའི་འོད་ཟེར་གྱིས།། བླ་མ་སངས་རྒྱས་ཐམས་ཅད་དང་།། བྱང་ཆུབ་སེམས་དཔའ་ལ་སོགས་པ།། ནག་པོ་ཆེན་པོའི་རང་བཞིན
201a3 དུ།། བཀུག་ལ་ནག་པོའི་གཟུགས་ལ་བསྟིམ།། ནག་པོ་ཉིད་ཀྱང་བཀུག་ལ་བསྟིམ།། དེ་ནས་བདག་ཉིད་རྣལ་འབྱོར་པ།། ནག་པོའི་བསམ་གཏན་ལྡན་གྱུར་ནས།། མཐུན་པའི་དམ་རྫས་ལ་སོགས་པའི།། མཆོད་པའི
201a4 གཏོར་མ་དབུལ་བར་བྱ།། དེ་ནས་ཐུགས་ཀའི་འོད་ཟེར་གྱིས།། བསམ་གཏན་སྔགས་ཀྱི་བཟླས་པ་བྱ།། བཟླས་པ་རྫོགས་དང་ཐུགས་ཀ་ཡི།། འོད་ཟེར་ལྕགས་ཀྱུའི་ཚུལ་དུ་སྤྲོ།། བསྒྲུབ་བྱ་གསལ་བར་བཀུག་ནས
201a5 ནི།། ནག་པོའི་ལྟོ་བར་གཞུག་པར་བྱ།། ལྕགས་ཀྱུའི་ཕྱག་རྒྱ་སྔགས་དང་བཅས།། ཐུན་རེར་བརྒྱ་ནི་རྩ་བརྒྱད་དུ།། བཀུག་ལ་ནག་པོའི་ལྟོ་བར་བཞུག། གྲི་གུག་ཐོད་པ་ཐོགས་ནས་ནི།། ཐུན་མཚམས་ཕྱིན་ཕྱོགས
201a6 བསྐོར་བར་བྱ།། ཉིན་མོ་མཚན་མོ་དུས་དྲུག་ཏུ།། དཔལ་ལྡན་ནག་པོ་ཆེན་པོ་ཡི།། རྣལ་འབྱོར་ཉིད་ལ་བརྩོན་པར་བྱ།། དེ་ནས་དུར་ཁྲོད་དབུས་སུ་ནི།། ཁྲུ་དོ་ཚད་དུ་བརྐོ་བར་བྱ།། ནང་དུ་ནག་པོའི་སྐུ་གཟུགས
iiif viewer powered by OpenSeadragon
