| e-texts navigator |
| Wylie |
200b1 སྦྱིན་སྟོབས་དང་ལྡན་པ་དང་།། གང་ཞིག་འབྱུང་པོ་མཐུ་ཆེན་དང་།། འཇིག་རྟེན་ལྷ་ཆེན་ལ་སོགས་པའི།། ལོག་པའི་མཐུ་དང་ལྡན་པ་རྣམས།། གནན་པར་བྱ་བའི་ཆོ་ག་འདིས།། ཁྱད་པར་དུ་ཡང་གསད་པ་ཡི།། ཆོ
200b2 གའི་རིམ་པ་འདི་དག་བཤད།། ཅེས་བཅོམ་ལྡན་འདས་ཀྱིས་བཀའ་སྩལ་ཏོ།། དེ་ནས་དཔལ་ནག་པོ་ཆེན་པོས་གསོལ་པ། བཅོམ་ལྡན་འདས།། སངས་རྒྱས་བསྟན་པ་འཇིག་པ་དང་།། ནག་པོའི་ཕྱོགས་ནི་འཛིན་པ
200b3 རྣམས།། གནན་པས་གསད་པའི་སྦྱོར་བ་ཡི།། དེ་ཡི་ཆོ་ག་ཇི་ལྟར་ལགས།། བཅོམ་ལྡན་འདས་ཀྱིས་བཀའ་སྩལ་པ།། དུར་ཁྲོད་དབེན་པའི་ས་ཕྱོགས་སུ།། དཔལ་ལྡན་ནག་པོ་ཆེན་པོ་ཡི།། ཏིང་ངེ་འཛིན་དང་ལྡན་གྱུར
200b4 ནས།། བསམ་གཏན་སྔགས་ཀྱིས་མཚམས་བཅད་ལ།། ཐོད་པ་དུམ་བུ་དྲུག་པ་གཉིས།། བདུད་རྩིས་ཕྱི་ནང་བཀྲུ་བར་བྱ།། སྐེ་ཚེ་ཉུང་དཀར་བཙན་དུག་དང་།། མིན་པའི་ཁུ་བ་ཁྭ་ཡི་ཁྲག། དུར་ཁྲོད་སྣག་ཚས་སྦྱར
200b5 ནས་སུ།། ཐོད་པའི་ནང་དུ་འཁོར་ལོ་བྲི།། དཔའ་བོ་གྲིར་ཤིའི་རོ་རས་ལ།། དུར་ཁྲོད་སྣ་ཚོགས་བསྒྲུབ་བྱ་ཡི།། མིང་དང་ཡི་གེ་ལྡན་པར་བྲི།། བྲི་དུས་གནམ་སྟོང་ཉིན་ནམ་ཕྱེད།། འཁོར་ལོའི་ནང་དུ་གཞུག་པར
200b6 བྱ།། ཕྱི་རོལ་དུར་ཁྲོད་རས་ཀྱིས་གཏུམ།། མཆད་པའི་ས་དང་མཚོ་འགྲམ་ས།། རི་ཡི་རྩེ་མོ་གསུམ་གྱི་ས།། བསྲེས་ལ་ནག་པོའི་སྐུ་གཟུགས་བྱ།། མི་ཡི་རུས་པ་སྐྲ་ཤད་ཀྱིས།། ནག་པོའི་གཟུགས་སྐུའི་རུ་ཤིང
iiif viewer powered by OpenSeadragon
