| e-texts navigator |
| Wylie |
200a1 བྱ།། དཔལ་ལྡན་ནག་པོ་ཆེན་པོ་ཡི།། བསམ་གཏན་སྔགས་དང་ལྡན་གྱུར་ནས།། མཆོད་དང་གཏོར་མ་ལ་སོགས་བྱ།། ཀླུ་དང་གནོད་སྦྱིན་ལ་སོགས་པ།། གདུག་པའི་སེར་བ་སྲུང་བར་འགྱུར།། དེ་ནས
200a2 གཞན་ཡང་རབ་བཤད་པ།། བདུད་རྩི་བ་ཡི་རྣམ་ལྔ་ལ།། ཆོ་གས་མནྡལ་བྱས་ནས་ནི།། པདྨ་འདབ་མ་བརྒྱད་པ་བྲི།། དེར་ནི་དཔལ་ལྡན་ནག་པོ་དང་།། ཛམ་བྷ་ལ་ནི་གསལ་བསྐྱེད་དེ།། སྒྱུ་སྐར་རྒྱལ་ནས་དབུ
200a3 བཙུགས་ལ། ཞག་གྲངས་ཉི་ཤུ་རྩ་གཅིག་ཏུ།། མེ་ཏོག་ཆུ་དང་དྲི་ཞིམ་སྤོས།། གཡོན་པའི་ཁྱོར་བས་དབུལ་བར་བྱ།། བསམ་གཏན་སྔགས་དང་ལྡན་གྱུར་ནས།། ཉིན་རེ་ཞིང་ནི་དུས་གསུམ་དུ།། གཙང་མའི་ཆུ་ཡིས
200a4 མཆོད་པར་བྱ།། ཨོཾ་མ་ཧ་ཀཱ་ལ་ཡ། སིདྡྷི་དྷ་ན་མེ་དྷི། ཧཱུཾ་ཛ་མ་བྷ་ལ་ཛ་ལན་དྲཱ་ཡ་སྭཱ་ཧཱ། ཆོ་ག་འདི་ཡི་སྟོབས་ཀྱིས་ནི།། འཇིག་རྟེན་གནོད་སྦྱིན་ཐམས་ཅད་ཀྱིས།། ནོར་དང་རིན་པོ་ཆེ་ཡི་གཏེར།། རྟག་ཏུ་དེ་ལ་སྦྱིན
200a5 པར་བྱེད།། ཅེས་བཅོམ་ལྡན་འདས་ཀྱིས་བཀའ་སྩལ་ཏོ།། དཔལ་ནག་པོ་ཆེན་པོའི་རྒྱུད་དུར་ཁྲོད་ཆེན་པོ་ཞེས་བྱ་བ་ལས། འཁོར་ལོའི་ལེའུ་སྟེ་དྲུག་པའོ།། །། དེ་ནས་དཔལ་ནག་པོ་ཆེན་པོས་གསོལ་པ།
200a6 བཅོམ་ལྡན་འདས།། དཔལ་ལྡན་ནག་པོ་ཆེན་པོ་ཡིས།། འཁོར་ལོའི་ཆོ་ག་རབ་བཤད་པ།། གནན་པས་གསད་པར་གསུངས་པ་ཡི།། དེ་ཡི་ཆོ་ག་ཇི་ལྟར་ལགས།། བཅོམ་ལྡན་འདས་ཀྱིས་བཀའ་སྩལ་པ།། གནོད
iiif viewer powered by OpenSeadragon
