| e-texts navigator |
| Wylie |
199a1 ཏེ།། བསྒྲུབ་བྱ་ཁྲག་ནི་སྐྱུག་པར་འགྱུར།། ཡང་ན་མཆོད་རྟེན་ལྷ་ཁང་གི། ཐེམ་པའི་འོག་ཏུ་གནན་བྱས་ནས།། ཁ་ལྐུགས་མིག་ནི་ལོང་བ་དང་།། གཞོགས་ཕྱེད་སྐམ་ནས་འཆི་བར་འགྱུར།། ཡང་ན
199a2 འཁོར་ལོ་བསྒྲུབ་པར་བྱ།། རང་གི་ལུས་ལ་བརྟེན་བྱས་ལ།། བསམ་གཏན་སྔགས་དང་ལྡན་གྱུར་ནས།། གང་ཞིག་བསྒྲུབ་བྱ་དམིགས་ལ་དེ།། ཞག་བདུན་གྱིས་ནི་གསོད་པར་བྱེད།། འདིས་ནི་ལས་རྣམས་ཐམས་ཅད
199a3 ཀྱི།། བསད་པའི་སྦྱོར་བར་ཤེས་པར་བྱ།། ཨོཾ་མ་ཧཱ་ཀཱ་ལ་ཡ། རབ་ཏུ་སྐྱུག་ཤ་མ་རག་ཏུ།། མ་ཧཱ་ཀཱ་ལ་ཡ་ཨ་མུ་ཀ་མཱ་ར་ཡ་ཨ་བ་རི་བྷི་ཤ་ཧཱུཾ། ཞེས་བཅོམ་ལྡན་འདས་ཀྱིས་བཀའ་སྩལ་ཏོ།། དེ་ནས་དཔལ་ནག་པོ་ཆེན
199a4 པོས་གསོལ་པ།། བཅོམ་ལྡན་འདས། གཞན་ཡང་འཁོར་ལོ་ཅི་ཞིག་བཤད།། བཅོམ་ལྡན་འདས་ཀྱིས་བཀའ་སྩལ་པ།། དུར་ཁྲོད་ཀྱི་ནི་གཡམ་པ་ལ།། གུར་གུམ་གོ་རོ་ཙ་ན་དང་།། བནྡྷའི་མེ་ཏོག་ལ་སོགས
199a5 པས།། པདྨ་འདབ་བརྒྱད་བྲི་བར་བྱ།། དེ་ལ་སྦྲུལ་བརྒྱད་དགོད་པར་བྱ།། མེ་ཏོག་ལུ་དའི་ཁུ་བ་དང་།། དུར་ཁྲོད་སྣག་ཚས་སྦྱར་ནས་སུ།། དབུས་སུ་གྲི་གུག་ཐོད་པ་བྲི།། རྣལ་འབྱོར་ནུབ་ཏུ་ཁ་བལྟས་ལ།། བསམ
199a6 གཏན་སྔགས་དང་ལྡན་གྱུར་ནས།། ནག་པོ་སྦྲུལ་དང་བཅས་པར་བསྐྱེད།། དེ་ལ་མཆོད་པར་བྱས་ནས་ནི།། བསམ་གཏན་སྔགས་ཀྱི་བཟླས་པ་བྱ།། ཨོཾ་མ་ཧཱ་ཀཱ་ལ་ཡ། ཨ་ར་ནཱ་ག་གུ་རུ་ནི་ཤིག་ནི་རི་ནི་རི། མ་ཐ་ནི
iiif viewer powered by OpenSeadragon
