| e-texts navigator |
| Wylie |
197b1 དང་བཅས་པ་བྲི།། འཁོར་ལོའི་དབུས་སུ་སྙིང་པོ་ནི།། ཕྱོགས་གཉིས་སུ་ནི་རྣམ་པར་དགོད།། དབུས་སུ་བསྒྲུབ་བྱའི་མིང་ཡིག་གཞུག། དེ་ཡི་ཕྱི་རོལ་ལེའུ་ཚེ་བརྒྱད།། དཔལ་ལྡན་ནག་པོའི་སྙིང་པོ་དགོད།། དེ་ཡི་ཕྱི
197b2 རོལ་ལེའུ་ཚེ་བརྒྱད།། རྩ་བའི་སྔགས་ནི་དགོད་པར་བྱ།། དེ་ནས་དེ་ཡི་ཕྱི་རོལ་དུ།། ལས་ཀྱི་སྔགས་ནི་དགོད་པར་བྱ།། བར་དུ་བསྒྲུབ་བྱའི་མིང་ཡིག་གཞུག། དབུས་སུ་མཉམ་པའི་སྨྱུག་གུ་གཞུག། འོག་མ་གཡས་སུ
197b3 འཁོར་བར་བྱ།། སྟེང་གི་འཁོར་ལོ་གཡོན་དུ་བསྐོར།། བཅའ་སྟེ་རིམ་པས་དགོད་པར་བྱ།། འཁོར་ལོ་ནག་པོ་ཆེན་པོ་ནི།། ཞལ་གཅིག་པ་ལ་ཕྱག་གཉིས་པ།། གྲི་གུག་ཐོད་པ་ལག་ན་འཛིན།། ཞལ་གདངས་མཆེ་བ
197b4 གཙིགས་པར་བྲི།། ཞག་བདུན་བསྒྲུབ་བྱའི་མིང་ཡིག་དགོད།། དེ་ལྟར་འཁོར་ལོའི་རིམ་པ་བཤད།། དེ་ནས་གཞན་ཡང་རབ་བཤད་པ།། ཚ་བ་གསུམ་དང་བསྒྲུབ་བྱ་ཡི།། རྐང་གཡོན་ས་དང་བ་གཟན་ལ།། བསྒྲུབ
197b5 བྱའི་གཟུགས་ནི་སོར་གསུམ་པ།། བྱས་ལ་སྙིང་གར་སྔགས་འདི་གཞུག། ཨོཾ་མ་ཧཱ་ཀ་ལ་ཡ། ཨ་པ་ར་བྷི་ཤ་ཨ་མུ་ཀ་མཱ་ར་ཡ་ཧཱུཾ་ཧཱུཾ་ཕཊ། གྲོ་ག་ལ་ནི་བྲིས་ལ་གཞུག། ལིངྒ་འཁོར་ལོའི་བར་དུ་གཞུག། དེ་ནས་མཉམ
197b6 པར་དྲིལ་བར་བྱ།། མི་སྐྲའི་སྐུད་པས་འཁོར་ལོ་བཅིངས།། དོམ་མམ་ཁྱི་ནི་ནག་པོ་ཡི།། ཐོད་པར་འཁོར་ལོ་གཞུག་པར་བྱ།། དམར་ནག་སྐུད་པས་ཕྱི་རོལ་བཅིང་།། ཁ་དོག་ནག་གམ་སྨེ་བ་ཡོད།། དེ་ལྟའི་ཐོད་པ
iiif viewer powered by OpenSeadragon
