| e-texts navigator |
| Wylie |
197a1 བསད་པ་ཡི།། ཆོ་ག་བདག་ལ་བཤད་དུ་གསོལ།། དེ་ནས་བཅོམ་ལྡན་འདས་ཀྱིས་བཀའ་སྩལ་པ།། སངས་རྒྱས་བསྟན་པ་འཇིག་བྱེད་པ།། གང་ཞིག་འབྱུང་པོ་མཐུ་ཆེན་དང་།། ལོག་པའི་སྟོབས་དང
197a2 ལྡན་པ་རྣམས།། དེ་དག་གསད་པར་བྱ་བ་ཡི།། འཁོར་ལོའི་ཆོ་ག་འདི་དག་བཤད།། ཅེས་བཅོམ་ལྡན་འདས་ཀྱིས་བཀའ་སྩལ་ཏོ།། དེ་ནས་དཔལ་ལྡན་ནག་པོ་ཆེན་པོས་གསོལ་པ། བཅོམ་ལྡན་འདས། འཁོར་ལོས
197a3 བསད་པའི་རིམ་པ་ཡི།། དེ་ཡི་ཆོ་ག་ཇི་ལྟར་ལགས།། བཅོམ་ལྡན་འདས་ཀྱི་བཀའ་སྩལ་པ།། དང་པོ་འཁོར་ལོ་བཅའ་བ་དང་།། གཉིས་པ་ལིངྒ་བཅའ་བ་དང་།། གསུམ་པ་གསང་བར་བྱ་བའོ།། ཞེས་བཅོམ་ལྡན
197a4 འདས་ཀྱིས་བཀའ་སྩལ་ཏོ།། དེ་ནས་དཔལ་ནག་པོ་ཆེན་པོས་གསོལ་པ། བཅོམ་ལྡན་འདས། འཁོར་ལོ་ལིངྒ་བཅའ་བ་དང་།། བསད་པའི་རིམ་པ་ཇི་ལྟར་ལགས།། བཅོམ་ལྡན་འདས་ཀྱིས་བཀའ་སྩལ་པ།། དང་པོར
197a5 རྣལ་འབྱོར་དབང་ཕྱུག་གིས།། ནག་པོས་བསམ་གཏན་ལྡན་བྱས་ནས།། དུར་ཁྲོད་གནས་སུ་མཚམས་བཅད་ལ།། དེར་ནི་འཁོར་ལོ་བྲི་བར་བྱ།། དུར་ཁྲོད་རས་ལ་བྱ་རོག་གི།། ཁྲག་དང་དུར་ཁྲོད་སོལ་བ་དང་།། ཚ
197a6 བ་གསུམ་དང་བསྲེས་ལ་ནི།། ཆོ་གས་ནག་པོའི་སྣག་ཚ་བྱ།། ལྷོ་ནུབ་མཚམས་སུ་ཁ་བལྟས་ལ།། མི་མཐུན་སྒྲོ་ཡི་སྨྱུག་གུས་ནི།། འཁོར་ལོ་བཞི་རིམ་བསྐོར་བར་བྱ།། དཔལ་ལྡན་ནག་པོ་ཆེན་པོ་ཡི།། འཁོར་ལོ་སྐུ
iiif viewer powered by OpenSeadragon
