| e-texts navigator |
| Wylie |
195a1 ཉིན་མཚན་དུས་གསུམ་དུ།། དཔལ་ལྡན་ནག་པོ་ཆེན་པོ་ལ།། མཐུན་པའི་དམ་རྫས་དབུལ་བྱས་ན།། དེས་ནི་ནག་པོ་ཆེན་པོ་ཡི།། མཚན་མ་རྙེད་པར་རབ་ཏུ་བཤད།། རྣལ་འབྱོར་མཚན་མ་ཐོབ་པ
195a2 ཡིས།། པར་བུའི་ཆོ་ག་བརྩམ་པར་བྱ།། ཞེས་བཅོམ་ལྡན་འདས་ཀྱིས་བཀའ་སྩལ་ཏོ།། དེ་ནས་དཔལ་ལྡན་ནག་པོ་ཆེན་པོས་གསོལ་པ།། བཅོམ་ལྡན་འདས། པར་བུའི་ཆོ་ག་ཇི་ལྟར་ལགས།། བཅོམ་ལྡན་འདས་ཀྱིས
195a3 བཀའ་སྩལ་པ།། པར་བུ་ནག་པོ་ཆེན་པོར་བསྐྱེད།། དེ་ཡི་ལྟོ་བར་གནས་པ་ནི།། པར་བུ་ཁ་སྦྱོར་རིམ་པ་གསུམ།། དེ་ཡི་དབུས་སུ་བསམ་པ་ནི།། པདྨའི་སྟེང་དུ་ཉི་མ་ཧཱུཾ།། ཧཱུཾ་ལས་གྲི་གུག་ཐོད་པར་གྱུར།། ཆོ་ག་གསུམ
195a4 གྱིས་ནག་པོར་བསྐྱེད།། དེ་ཡི་ཐུགས་ཀའི་གྲི་གུག་གི། ཡུ་བའི་ཧཱུཾ་ལས་གྲི་གུག་སྤྲོས།། ཕྱི་རོལ་བསྒྲུབ་བྱ་འགུགས་པར་བསམ།། དབུས་ཀྱི་ནག་པོ་ཆེན་པོ་ཡིས།། ལྟོ་བར་བསྒྲུབ་བྱ་གནས་པར་བྱ།། དེ་ནས་རྣལ
195a5 འབྱོར་དབང་ཕྱུག་གིས།། པར་བུ་ནག་པོ་ཆེན་པོ་ལ།། མཆོད་པ་གཏོར་མ་ལ་སོགས་པ།། མཐུན་པའི་དམ་རྫས་དབུལ་བར་བྱ།། རྣལ་འབྱོར་ནག་པོའི་བསམ་གཏན་ལ།། ཞུགས་ནས་དྲག་པོའི་བསམ་གཏན
195a6 གྱིས།། སྔགས་ཀྱི་འོད་ཟེར་སྤྲོ་བར་བྱ།། ཞགས་པ་ལྕགས་ཀྱུའི་གཟུགས་ཀྱིས་ནི།། བཀུག་ལ་པར་བུའི་ནང་དུ་བསྟིམ།། དེ་ནས་འདི་དག་བརྗོད་པར་བྱ།། བླ་མ་རྡོ་རྗེ་འཛིན་པ་དང་།། འཁོར་ལོའི་བདག་པོ་ལ་སོགས
iiif viewer powered by OpenSeadragon
