| e-texts navigator |
| Wylie |
194b1 པོ་ཆེན་པོ་ཡི།། གསང་བའི་བར་བུའི་ཆོ་ག་མཆོག། སྒྲུབ་པའི་རིམ་པ་ཇི་ལྟར་ལགས།། བཅོམ་ལྡན་འདས་ཀྱིས་བཀའ་སྩལ་པ།། པར་བུ་སྒྲུབ་པའི་རྣལ་འབྱོར་པས།། ཡན་ལག་བདུད་རྩི་ལྔས་བྱུག་ལ།། སྐྲ་བརྫེས་གྲི
194b2 གུག་ཐོད་པ་འཛིན།། ཁ་དོག་ནག་པོ་དུར་ཁྲོད་གོས།། རྣལ་འབྱོར་པ་ཡིས་གོན་པར་བྱ།། དེ་ནས་རྣལ་འབྱོར་དབང་ཕྱུག་གིས།། ལྷོ་ནུབ་མཚམས་སམ་བསྒྲུབ་བྱའི་ཕྱོགས།། ཁ་བལྟས་ཞིང་གི་གདན་ལ་འདུག། དེ
194b3 ནས་དཔལ་ལྡན་ནག་པོ་ཡི།། བསམ་གཏན་སྔགས་ཀྱིས་མཚམས་བཅད་ལ།། མཆོད་པ་གཏོར་མ་ལ་སོགས་པ།། མཆོད་པའི་ཁྱད་པར་ཀུན་ཀྱང་བཤད།། དཔལ་ལྡན་ནག་པོ་ཆེན་པོ་ཡི།། ཏིང་ངེ་འཛིན་གྱི་རིམ་པ
194b4 རྣམས།། ཐོག་མར་བདག་ཉིད་ལྡན་པར་བྱ།། མདུན་གྱི་དཀྱིལ་འཁོར་ལྷོ་ནུབ་ཀྱིས།། ཟུར་ལ་དཔལ་ལྡན་ནག་པོའི་སྐུ།། གང་དུ་གནས་པར་བྱ་བ་ལ།། རྣལ་འབྱོར་སྟོབས་དང་ལྡན་པ་ཡིས།། ནག་པོ་ཆེན་པོ་བསྐྱེད
194b5 པར་བྱ།། དེ་ནས་ཐུགས་ཀའི་འོད་ཟེར་གྱིས།། བླ་མ་སངས་རྒྱས་ཐམས་ཅད་དང་།། དཔལ་ལྡན་ནག་པོ་ཆེན་པོ་དགུག། ཆོ་ག་བཞི་ཡིས་གཉིས་མེད་བྱ།། མཆོད་པ་གཏོར་མ་ལ་སོགས་པ།། རྣལ་འབྱོར་པ་ཡིས
194b6 བརྩོན་པར་བྱ།། དཔལ་ལྡན་ནག་པོ་ཆེན་པོ་དང་།། རྣལ་འབྱོར་པ་ཡི་ཐུགས་ཀ་ནས།། སྔགས་ཀྱི་ཕྲེང་བས་བསྐོར་བས་བསམ།། ཤིན་ཏུ་དྲག་པོའི་སྟོབས་ཀྱིས་ནི།། བསམ་གཏན་སྔགས་ཀྱི་བཟླས་པ་བྱ།། དེ་ནས
iiif viewer powered by OpenSeadragon
