| e-texts navigator |
| Wylie |
194a1 བུར་གཞུག། ཐོད་པ་ཁ་སྦྱོར་བྱས་ནས་སུ།། དུག་དང་ཏིལ་ཕྱེ་ཚ་བ་གསུམ།། བསྲེགས་ལ་མཚམས་རྣམས་དགག་པར་བྱ།། ཐོད་པ་པར་བུའི་ནང་དུ་གཞུག། པར་བུའི་དཀྱིལ་འཁོར་དབུས་སུ
194a2 བཞག། དཔལ་ལྡན་ནག་པོའི་བསམ་གཏན་གྱིས།། མཆོད་རྟེན་ནག་པོ་ཟུར་གསུམ་བརྩེགས།། བུམ་པ་འཁོར་ལོ་གཞུག་པར་བྱ།། དུར་ཁྲོད་སོལ་བ་སྐེ་ཚེ་དུག། མཆོད་རྟེན་ཕྱི་རོལ་བྱུག་པར་བྱ།། དཔལ་ལྡན་ནག
194a3 པོ་ཆེན་པོ་ཡི།། པར་བུ་བཅའ་བ་དེ་ལྟར་བཤད།། ཅེས་བཅོམ་ལྡན་འདས་ཀྱིས་བཀའ་སྩལ་ཏོ།། དེ་ནས་གཞན་ཡང་རབ་བཤད་པ།། ལྷོ་ནུབ་དུར་ཁྲོད་རོ་བསྲེག་ཅིང་།། ཁ་དོག་ནག་པོའི་ཚོགས་སྤྲོ་བ།། དཔལ་ལྡན
194a4 ནག་པོ་ཆེན་པོ་ཡི།། བསམ་གཏན་སྔགས་དང་ལྡན་གྱུར་ནས།། ཁྲུ་གང་ཚད་དམ་ཁྱད་པར་དུ།། མཐོ་གང་ནག་པོའི་སྐུ་གཟུགས་བྱ།། རྣལ་འབྱོར་སྟོབས་དང་ལྡན་པ་ཡིས།། སྔོན་དུ་བསྙེན་པ་བྱས་ནས་ནི།། དེ་ལ་རབ
194a5 ཏུ་གནས་པར་བྱ།། མཆོད་པ་གཏོར་མ་ལ་སོགས་བྱ།། ཁྱད་པར་ཆོ་ག་ཀུན་ཀྱང་བྱ།། དཀྱིལ་འཁོར་ལྷོ་ནུབ་ཟུར་ལ་ནི།། ཞིང་གི་སྟེང་དུ་བཞུགས་སུ་གསོལ།། ཐུན་པའི་དམ་རྫས་ལ་སོགས་པ།། མཆོད་པའི་ཁྱད
194a6 པར་ཀུན་གྱིས་མཆོད།། དཔལ་ལྡན་ནག་པོ་ཆེན་པོ་ཡི།། སྐུ་ཡི་ཆོ་ག་ཤེས་པར་གྱིས། ཞེས་བཅོམ་ལྡན་འདས་ཀྱིས་བཀའ་སྩལ་ཏོ།། དེ་ནས་དཔལ་ནག་པོ་ཆེན་པོས་གསོལ་པ། བཅོམ་ལྡན་འདས། དཔལ་ལྡན་ནག
iiif viewer powered by OpenSeadragon
