| e-texts navigator |
| Wylie |
193a1 སྩལ་པ།། དཔལ་ལྡན་ནག་པོ་ཆེན་པོ་ཡི།། པར་བུ་བཅའ་བའི་རིམ་པ་ནི།། རྣམ་པ་གསུམ་དུ་ཤེས་པར་གྱིས།། དཀྱིལ་འཁོར་དག་ནི་བར་བུའི་རྒྱུ།། དཔལ་ལྡན་ནག་པོ་ཆེན་པོའི་སྐུ།། ཞེས་བཅོམ་ལྡན
193a2 འདས་ཀྱིས་བཀའ་སྩལ་ཏོ།། དེ་ནས་དཔལ་ལྡན་ཆེན་པོས་གསོལ་པ།། དཀྱིལ་འཁོར་དང་ནི་པར་བུའི་རྒྱུ།། ནག་པོའི་སྐུ་ནི་ཇི་ལྟར་ལགས།། བཅོམ་ལྡན་འདས་ཀྱིས་བཀའ་སྩལ་པ།། ཆུ་འགྲམ་ས་དང་དུར་ཁྲོད
193a3 ས།། རི་ཡི་རྩེ་མོ་གསུམ་གྱིས།། བདུད་རྩི་ལྔ་ཡིས་བསྲེས་ནས་སུ།། དཀྱིལ་འཁོར་ཟུར་གསུམ་ཁྲུ་དོའི་ཚད།། དབུས་སུ་ཁྲུ་གང་བརྐོ་བར་བྱ།། སྐེ་ཚེ་ཡུངས་ཀར་བཙན་དུག་དང་།། ཁྱི་ཡི་ཁྲག་དང་དུར་ཁྲོད་ཀྱི།། སོལ
193a4 བ་ལ་སོགས་སྣག་ཚ་བྱ།། དཀྱིལ་འཁོར་སྣག་ཚས་ནག་པོར་བྱ།། དེ་ཡི་དབུས་སུ་གྲི་གུག་དང་།། ཐོད་པ་འབུར་དུ་བཏོད་པར་བྱ།། སྟེང་དུ་ཞིང་གི་བླ་རེ་དགོད།། ཁང་པའི་ཕྱི་ནང་བདུད་རྩིས་བྱུགས།། དཀྱིལ་འཁོར
193a5 ཟུར་ལ་མཆོག་ཕུར་གསུམ།། བཙུགས་ལ་མི་སྐྲའི་སྐུད་པས་བསྐོར།། ལྷོ་ནུབ་མཚམས་ཀྱི་དཀྱིལ་འཁོར་ཟུར།། དཔལ་ལྡན་ནག་པོ་ཆེན་པོའི་སྐུ།། ཞིང་གི་གདན་ལ་བཞུགས་པར་བྱ།། ཤར་གྱི་དཀྱིལ་འཁོར་ཟུར་ལ
193a6 ནི།། ཐོད་པ་དུམ་བུ་གཅིག་པ་རུ།། ཤ་ཆེན་ཁྲག་དང་ཉ་ཤ་ཆང་།། དུག་གི་ལ་དུ་ལ་སོགས་པ།། མཐུན་པའི་དམ་རྫས་གཞག་པར་བྱ།། ནུབ་བྱང་དཀྱིལ་འཁོར་ཟུར་ལ་ནི།། གྲི་དང་ཐོད་པ་སྲེག་རྫས་དང་།། ནི་རང་སུ
iiif viewer powered by OpenSeadragon
