| e-texts navigator |
| Wylie |
192b1 སྒྲུབ་པའི་གནས།། བསམ་གཏན་སྔགས་ཀྱིས་བརྩམ་པར་བྱ།། ཞེས་བཅོམ་ལྡན་འདས་ཀྱིས་བཀའ་སྩལ་ཏོ།། དེ་ནས་དཔལ་ལྡན་ནག་པོ་ཆེ།། རྔམ་པའི་ཞལ་གདངས་འཇིགས་པའི་སྐུ།། དྲག་པོའི་སྟོབས་ཀྱིས་འདི
192b2 སྐད་གསོལ།། དཔལ་ལྡན་ནག་པོ་ཆེན་པོ་ཡི།། སྒྲུབ་པའི་གནས་ནི་ཅི་ཞིག་བཤད།། བསམ་གཏན་སྔགས་ནི་ཇི་ལྟར་ལགས།། བཅོམ་ལྡན་འདས་ཀྱིས་བཀའ་སྩལ་པ།། དུར་ཁྲོད་ཀྱི་ནི་ཕ་གུ་དང་།། དཔའ་བོ་གྲིར
192b3 ཤིའི་ཀེང་རུས་ལ།། སྒྲུབ་པའི་ཁང་པ་ཟུར་གསུམ་བྱ།། ཐོད་པའི་ནང་དུ་འཁོར་ལོ་བྲི།། ཆོ་གས་ཁང་པའི་ཟུར་དུ་གཞུག། སྟེང་དུ་དུར་ཁྲོད་ཤིང་དང་ནི།། མཆོད་པའི་ས་ཡིས་བླ་གབ་བྱ།། སྒོ་ནི་བསྒྲུབ་བྱའི་ཕྱོགས་སུ
192b4 བསྟན།། བསམ་གཏན་སྔགས་ཀྱི་སྦྱོར་བ་ཡིས།། དུས་གསུམ་མཆོད་དང་གཏོར་མ་བྱས།། འདི་ཡི་སྔགས་ཀྱི་སྦྱོར་བ་ཡིས།། སྒྲུབ་པའི་གནས་ནི་བྱིན་གྱིས་བརླབ།། ཨོཾ་མ་ཧཱ་ཀཱ་ལ་ཡ། བཛྲ་ཥི་ཁ་རཥྚ་ན་ཨ་དྷིཥྛཱ་ན། གི
192b5 རི་གི་རི། ཧཱུཾ་ཧཱུཾ་ཕཊ་ཕཊ་སྭཱ་ཧཱ། དཔལ་ལྡན་ནག་པོ་ཆེན་པོ་ཡི།། ཆོ་གའི་གནས་དང་ལྡན་གྱུར་ན།། འགྲུབ་འགྱུར་འདི་ལ་ཐེ་ཚོམ་མེད།། དཔལ་ལྡན་ནག་པོ་ཆེན་པོ་ཡི།། སྒྲུབ་པའི་གནས་དེ་ལྟར་བཤད།། ཅེས
192b6 བཅོམ་ལྡན་འདས་ཀྱིས་བཀའ་སྩལ་ཏོ།། དེ་ནས་དཔལ་ལྡན་ནག་པོ་ཆེན་པོས་གསོལ་པ། བཅོམ་ལྡན་འདས། གསང་བའི་བར་བུ་ཆེན་པོ་ཡི།། བཅའ་བའི་རིམ་པ་ཇི་ལྟར་ལགས།། བཅོམ་ལྡན་འདས་ཀྱིས་བཀའ
iiif viewer powered by OpenSeadragon
