| e-texts navigator |
| Wylie |
192a1 ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། དཔལ་ལྡན་ནག་པོ་ཆེན་པོ་ཡི།། སྟོབས་ཀྱིས་གདུག་པ་འདུལ་བྱེད་ཅིང་།། དུས་གསུམ་སངས་རྒྱས་ཐམས་ཅད་ཀྱི།། བསྟན་པ་སྲུང་བར་བྱེད་པ
192a2 ཡི།། ཆོ་གའི་ཁྱད་པར་ཇི་ལྟར་ལགས།། བཅོམ་ལྡན་འདས་ཀྱིས་བཀའ་སྩལ་པ།། དུས་གསུམ་སངས་རྒྱས་ཐམས་ཅད་ཀྱི།། བདུད་ཀྱི་ཚོགས་རྣམས་སེལ་བྱེད་ཅིང་།། སངས་རྒྱས་བསྟན་པ་སྲུང་བྱེད་པ།། ཁྱད་པར་མ
192a3 འོངས་འཇིག་པའི་དུས།། དཔལ་ལྡན་མགོན་པོ་ཆེན་པོ་ཡིས།། བསྟན་པ་བསྲུང་བར་ཁས་བླངས་པས།། གསང་བའི་བར་བུ་ཆེན་པོ་ཡི།། ཆོ་ག་བདག་གིས་བཤད་པར་བྱ།། ཞེས་བཅོམ་ལྡན་འདས་ཀྱིས་བཀའ་སྩལ
192a4 ཏོ།། དེ་ནས་དཔལ་ནག་པོ་ཆེན་པོས་གསོལ་པ།། བཅོམ་ལྡན་དཔལ་ལྡན་ནག་པོ་ཡི།། གསང་བའི་པར་བུ་ཞེས་བྱ་བའི།། དེ་ཡི་ཆོ་ག་ཇི་ལྟར་ལགས།། བཅོམ་ལྡན་འདས་ཀྱིས་བཀའ་སྩལ་པ།། གསང་བའི་བར་བུ
192a5 ཆེན་པོ་ཡི།། ཆོ་ག་རྣམ་པ་བཞི་ཡིན་ཏེ།། གནས་དང་པར་བུ་བཅའ་བ་དང་།། ཁྱད་པར་སྒྲུབ་པའི་ཆོ་ག་དང་།། དུས་ཀྱི་ཆོ་ག་འགྲུབ་པར་བཤད།། ཅེས་བཅོམ་ལྡན་འདས་ཀྱིས་བཀའ་སྩལ་ཏོ།། དེ་ནས་དཔལ་ནག
192a6 པོ་ཆེན་པོས་གསོལ་པ།། བཅོམ་ལྡན་འདས།། སྒྲུབ་པའི་གནས་ནི་ཇི་ལྟར་ལགས།། བཅོམ་ལྡན་འདས་ཀྱིས་བཀའ་སྩལ་པ།། ལྷོ་ནུབ་མཚམས་ཀྱི་རྡོ་རྗེ་བྲག། སྲིན་པོའི་གདོང་འདྲ་འཇིགས་པ་ཡི།། སྟེང་དུ་པར་བུ
iiif viewer powered by OpenSeadragon
