| e-texts navigator |
| Wylie |
191b1 པ།། འོད་ཟེར་རྣམ་པ་གཉིས་སུ་འཕྲོས།། སྟེང་དང་འོག་གི་ཕྱོགས་དག་ཏུ།། རླུང་གིས་མེ་སྦར་ཐོད་པ་དྲོས།། གྲི་གུག་གིས་ནི་དཀྲུག་པར་བསམ།། དྲོས་པས་དམ་ཚིག་བདུད་རྩིར་གྱུར།། སྟེང་གི་འོད་ཀྱིས་ཡེ་ཤེས
191b2 ཀྱི།། བདུད་རྩི་བཀུག་ནས་བསྟིམ་པར་བྱ།། འདི་ཡིས་བྱིན་གྱིས་བརླབ་པར་བྱ།། ཨོཾ་མ་ཧཱ་ཀ་ལ་ཡཱ། ཛྙཱ་ན་ཨ་མྲྀ་ཏ་ཨོཾ་ཨཱཿཧཱུཾ། མདུན་གྱི་ནག་པོ་ཆེན་པོ་ཡི།། ལྕེ་ལ་ཧཱུཾ་གཏོར་ནས་འབྲས་ཙམ།། རྩ་བའི་སྔགས་ཀྱིས
191b3 དབུལ་བར་བྱ།། སྟོབས་ཀྱིས་དུས་མཚུངས་བདུད་རྩི་མྱང་།། དེ་ནས་གཞན་ཡང་རབ་བཤད་པ།། ལས་ལ་སྦྱོར་བ་བསྒྲུབ་བྱ་ཡི།། སྙིང་ནང་ས་བོན་ལྕགས་ཀྱུ་བསམ།། ཧཱུཾ་ལས་གྲི་གུག་ཧཱུཾ་གིས་མཚན།། དེ་ཡི་སྟོབས
191b4 ཀྱིས་ཁྲག་འཕེལ་འགྱུར།། ཞུ་ནས་ནག་པོའི་ཐོད་པར་སོང་།། སྔགས་ཀྱི་འོད་ཀྱི་གྲི་གུག་གིས།། ཏིལ་ཙམ་གཏུབས་ནས་འཐུང་བར་བསམ།། སྔགས་བཟླས་དུས་སུ་མིང་ཡིག་གཞུག། མདུན་གྱི་གཏོར་མ་དབུལ་བར
191b5 བྱ།། ཡང་ན་ནག་པོའི་ཐོད་པར་ནི།། བསྒྲུབ་བྱ་བཀུག་ནས་ཁྲག་བསྐྱེད་ལ།། ཁྲག་འཐུང་ཁ་ནས་ཁྲག་འཛག་པ།། རྒྱུན་མི་འཆད་པར་བསྒོམ་པར་བྱ།། འདི་ཡིས་ནག་པོ་ཆེན་པོ་ཡི།། དངོས་གྲུབ་ཉེ་བར་བདག་གིས
191b6 བཤད།། ཅེས་བཅོམ་ལྡན་འདས་ཀྱིས་བཀའ་སྩལ་ཏོ།། དཔལ་ནག་པོ་ཆེན་པོའི་རྒྱུད་དུར་ཁྲོད་ཆེན་པོ་ལས་དཀྱིལ་འཁོར་གྱི་ལེའུ་སྟེ་བཞི་པའོ།། །། དེ་ནས་དཔལ་ནག་པོ་ཆེན་པོ་དང་། མཁའ་འགྲོ་མའི་ཚོགས
iiif viewer powered by OpenSeadragon
