| e-texts navigator |
| Wylie |
191a1 ནག་པོ་ཆེན་པོ།། གྲུབ་པའི་རྒྱུ་ནི་ཇི་ལྟར་ལགས།། བཅོམ་ལྡན་འདས་ཀྱིས་བཀའ་སྩལ་པ།། བླ་མ་ལ་ནི་གུས་པ་དང་།། དཔལ་ལྡན་ནག་པོའི་རྣལ་འབྱོར་བརྩོན།། ཆོ་གའི་ཡན་ལག་ཐམས་ཅད
191a2 ལ།། ཐེ་ཚོམ་མེད་པར་སྒྲུབ་པར་བྱེད།། རྟག་ཏུ་དམ་ཚིག་སྲུང་བྱེད་ན།། དངོས་གྲུབ་གཉིས་ཐོབ་ཐེ་ཚོམ་མེད།། ཅེས་པ་བཅོམ་ལྡན་འདས་ཀྱིས་བཀའ་སྩལ་ཏོ།། དེ་ནས་དཔལ་ནག་པོ་ཆེན་པོས། བཅོམ་ལྡན
191a3 འདས་ལ་གསོལ་པ།། དཔལ་ལྡན་ནག་པོ་ཆེན་པོ་ནི།། སྒྲུབ་པར་འདོད་པའི་རྣལ་འབྱོར་པས།། ཆོ་གའི་ཁང་པ་ཇི་ལྟར་ལགས།། བཅོམ་ལྡན་འདས་ཀྱིས་བཀའ་སྩལ་པ།། དཔལ་ལྡན་ནག་པོ་ཆེན་པོ་ལ།། ཆོ་གར
191a4 འདོད་པའི་རྣལ་འབྱོར་ལ།། སྔོན་དུ་གཏོར་མའི་ཆོ་ག་ཡིས།། དངོས་གྲུབ་ངེས་པར་ཐོབ་པར་འགྱུར།། ཞེས་བཅོམ་ལྡན་འདས་ཀྱིས་བཀའ་སྩལ་ཏོ།། དེ་ནས་དཔལ་ནག་པོ་ཆེན་པོས་གསོལ་པ། བཅོམ་ལྡན་འདས།།
191a5 དངོས་གྲུབ་ཉེ་བའི་རྒྱུར་གསུངས་པ།། གཏོར་མའི་ཆོ་ག་ཇི་ལྟར་ལགས།། བཅོམ་ལྡན་འདས་ཀྱིས་བཀའ་སྩལ་པ།། འདི་ནི་གཏོར་མའི་ཆོ་ག་ཡི།། ཁྱད་པར་རྣམ་པ་གསུམ་དུ་བཤད།། རླུང་མར་སྟེང་དུ་ཐོད་པ
191a6 ལ།། ཉ་ཤ་དུག་གི་ལ་དུ་དང་།། ཤ་དང་ཁྲག་དང་ལ་ཕུག་དང་།། ཆང་དང་ཆན་དང་འབྲུ་སྣ་ཚོགས།། ཤ་ལྔ་དང་ནི་བདུད་རྩི་ལྔ།། མིང་གི་ཡི་གེ་ལྡན་པར་བསམ།། དེ་ཡི་སྟེང་དུ་ཉི་མ་ལ།། གྲི་གུག་ལུ་བར་ཧཱུཾ་གནས
iiif viewer powered by OpenSeadragon
