| e-texts navigator |
| Wylie |
188b1 ནག་པོ་ཆེན་པོས་གསོལ་པ། བཅོམ་ལྡན་འདས་རབ་ཏུ་གནས་པར་འགྱུར་བ་ཡི།། རིམ་པའི་ཆོ་ག་ཅི་ཞིག་བཤད།། བཅོམ་ལྡན་འདས་ཀྱིས་བཀའ་སྩལ་པ།། ཆོ་གའི་རིམ་པ་རྣམ་པ་བཞི།། རྣལ་འབྱོར་པ་ཡིས་ཤེས
188b2 པར་བྱ།། དང་པོ་སྐུ་ཡི་རབ་ཏུ་གནས།། གཉིས་པ་གྲི་གུག་རབ་གནས་དང་།། གསུམ་པ་ཐོད་པའི་རབ་གནས་དང་།། བཞི་པ་ཕུར་བུའི་རབ་ཏུ་གནས།། འདི་ཡི་ཆོ་གའི་རིམ་པ་རྣམས།། བསམ་གཏན་སྔགས་དང
188b3 ལྡན་གྱུར་ནས།། རབ་གནས་ཆོ་ག་ཤེས་པར་གྱིས།། ཞེས་བཅོམ་ལྡན་འདས་ཀྱིས་བཀའ་སྩལ་ཏོ།། དེ་ནས་གཞན་ཡང་རྣལ་འབྱོར་པས་དུར་ཁྲོད་དུ་སོང་ལ་དཔལ་ནག་པོ་ཆེན་པོའི་ང་རྒྱལ་དང་ལྡན་པས་ལུས་ལ
188b4 བདུད་རྩི་ལྔས་བྱུགས་ནས། གྲི་གུག་དང་ཐོད་པ་ལག་ཏུ་ཐོགས་ལ། དཔའ་བོ་ཁ་དོག་ནག་པོ་ལུས་ལ་ཐིག་ལེ་ནག་པོ་ཡོད་པའི་རས། བསམ་གཏན་དང་སྔགས་ཀྱིས་བླང་བར་བྱ་སྟེ། ཐོད་པའི་ནང་དུ་བཞག་ལ་ཡི་གེ
188b5 མུཾ་དང་ཧཱུཾ་གིས་བྱིན་གྱིས་བརླབ་པར་བྱའོ།། དེ་ནས་མཆོད་པ་དང་གཏོར་མ་ལ་སོགས་པ་བྱས་ཏེ། དེ་ལྟར་བསྐྱེད་པའི་རིམ་པ་དང་ལྡན་པས། དཔལ་ནག་པོ་ཆེན་པོ་བྲི་བར་བྱའོ།། དེ་ནས་དཔལ་ནག་པོ་ཆེན་པོའི
188b6 རྣལ་འབྱོར་དང་ལྡན་པས་སྔོན་དུ་བསྙེན་པ་བྱ་སྟེ། མཚན་མ་ཐོབ་པའི་རྣལ་འབྱོར་པས། དཔལ་ནག་པོ་ཆེན་པོ་རབ་ཏུ་གནས་པར་བྱའོ།། དང་པོར་གནས་དེ་ཉིད་དུ་བདུད་རྩི་རྣམ་ལྔའི་མཎྜལ་བྱས་ལ་མཆོད་པ་དང
iiif viewer powered by OpenSeadragon
