| e-texts navigator |
| Wylie |
188a1 ནས། ཞག་ཉི་ཤུ་རྩ་གཅིག་གིས་དཔལ་ནག་པོ་ཆེན་པོ་མངོན་སུམ་དུ་མཐོང་བར་འགྱུར་རོ།། དེ་སྐད་ཅེས་བཅོམ་ལྡན་འདས་ཀྱི་བཀའ་སྩལ་ཏོ།། དེ་ནས་གཞན་ཡང་ནག་པོ་ཆེན་པོས་གསོལ་པ། བཅོམ
188a2 ལྡན་འདས། རྒྱུད་ཀྱི་ཆོ་གའི་རིམ་པ་རྣམས།། ཁྱད་པར་སྒྲུབ་པ་ཇི་ལྟར་ལགས།། བཅོམ་ལྡན་འདས་ཀྱིས་བཀའ་སྩལ་པ།། དཔལ་ལྡན་ནག་པོ་ཆེན་པོ་ཡི།། ས་ལ་དཀྱིལ་འཁོར་བྲི་བ་དང་།། དེ་བཞིན་དུར་ཁྲོད་ཆེན
188a3 པོའི་རས།། རོ་བསྲེགས་ཤིང་དང་མཆོད་པའི་ས།། དཔའ་བོ་ཀེང་རུས་ལ་སོགས་པ།། དུར་ཁྲོད་གནས་སམ་བྲག་གི་སྟེང་། བསམ་གཏན་སྔགས་ཀྱིས་མཚམས་བཅད་ནས།། དཔལ་ལྡན་ནག་པོ་ཆེན་པོ་ཡི།། སྐུ་ཡི་རི
188a4 མོ་བྱས་ནས་སུ།། ཆོ་ག་རབ་ཏུ་གནས་པར་བྱ།། དེ་ལྟར་བྱས་ན་དངོས་གྲུབ་ནི།། དེ་དང་དུས་མཚུངས་ལྡན་པར་འགྱུར།། ཞེས་བཅོམ་ལྡན་འདས་ཀྱིས་བཀའ་སྩལ་ཏོ།། དེ་ནས་དཔལ་ནག་པོ་ཆེན་པོས་གསོལ་པ།།
188a5 བཅོམ་ལྡན་འདས། རབ་ཏུ་གནས་པར་འགྱུར་བ་ནི།། ཆོ་གའི་རིམ་པ་ཇི་ལྟར་ལགས།། བཅོམ་ལྡན་འདས་ཀྱིས་བཀའ་སྩལ་པ།། དང་པོར་རྣལ་འབྱོར་དབང་ཕྱུག་གིས།། བསམ་གཏན་སྔགས་དང་ལྡན་གྱུར
188a6 ནས།། རབ་ཏུ་གནས་པར་བྱ་བ་ཡིན།། ཆོ་ག་འདི་དང་ལྡན་གྱུར་ན།། དཔལ་ལྡན་ནག་པོ་ཆེན་པོ་དང་།། གཉིས་མེད་སྟོབས་དང་ལྡན་པར་འགྱུར།། ཞེས་བཅོམ་ལྡན་འདས་ཀྱིས་བཀའ་སྩལ་ཏོ།། དེ་ནས་དཔལ་ལྡན
iiif viewer powered by OpenSeadragon
