| e-texts navigator |
| Wylie |
186a1 བཅོམ་ལྡན་འདས་ཀྱིས་བཀའ་སྩལ་ཏོ། དེ་ནས་གཞན་ཡང་བྱང་ཕྱོགས་ཀྱི་ཆུ་འགྲམ་གྱི་དུར་ཁྲོད་དམ། ཤར་ཕྱོགས་ཀྱི་ཤིང་རྐང་གཅིག་གམ། ལྷོ་ཕྱོགས་སུ་རོ་བསྲེགས་པའི་དུར་ཁྲོད་དམ། ནུབ
186a2 ཕྱོགས་སུ་མཁའ་འགྲོ་མའི་ཁང་སྟོང་ངམ། ནུབ་བྱང་མཚམས་རྒྱ་མཚོའི་གླིང་ངམ། བྱང་ཤར་མཚམས་རིའི་རྩེ་མོའམ། ཤར་ལྷོ་མཚམས་མ་ཧཱ་དེ་བ་གནས་པའི་སའམ། ལྷོ་ནུབ་མཚམས་གསལ་ཤིང་ཡོད་པའི་ནགས
186a3 ཚལ་ལམ། གནས་དེ་དག་ཏུ་ནག་པོ་ཆེན་པོ་བསྒྲུབ་པར་བྱའོ།། དེ་ནས་རྣལ་འབྱོར་པ་བསྒྲུབ་བྱའི་ཕྱོགས་སུ་ཁ་བལྟས་ལ་ཚ་བ་གསུམ་དང་བསྒྲུབ་བྱའི་རྐང་པ་གཡོན་པའི་ས་དང་། སྤྲ་ཚིལ་དང་བག་ཟན་ལ་སོགས་པ
186a4 རྣམས་ལ། བསྒྲུབ་བྱའི་གཟུགས་སོར་བརྒྱད་པའི་ཚད་དུ་བྱས་ལ། དེ་ནས་དུར་ཁྲོད་ཀྱི་སྣག་ཚ་དང་བྱ་རོག་གི་ཁྲག་གིས་མིང་རུས་ཀྱི་ཡི་གེ་དང་ལྡན་པར་བྱའོ།། དེའི་ཚེ་ལུས་ཀྱི་ཐིག་ལེའི་གནས་སུམ་ཅུ་རྩ་གཉིས་སུ
186a5 གསལ་ཤིང་གི་ཚེར་མས་དགང་བར་བྱས་ནས། དེའི་སར་སྐེ་ཚེ་དང་ཉུང་དཀར་དང་བཙན་དུག་གིས་ཀྱང་བསྣུན་པར་བྱ་སྟེ།། དཔལ་ནག་པོ་ཆེན་པོའི་བསམ་གཏན་དང་སྔགས་ཀྱིས་གསད་པར་བྱའོ།། དུས་ནི་ཞག
186a6 བདུན་ནམ་སུམ་ཅུ་རྩ་གཉིས་ཀྱིས་བསྙེན་པ་དང་ལས་སྦྱོར་ཐུན་མོང་དུ་འགྱུར་རོ།། དེ་ནས་གཞན་ཡང་དཔལ་ནག་པོ་ཆེན་པོའི་སྐད་ཅིག་མའི་བསམ་གཏན་དུ་བྱ་སྟེ། ཨོཾ་མ་ཧཱ་ཀཱ་ལ་ཡ། ཨུ་དུ་ས་རི་ཀྲ་མ། པཱ་བཱ་དྷེ
iiif viewer powered by OpenSeadragon
