| e-texts navigator |
| Wylie |
185b1 རྒྱུན་མི་འཆད།། སྟག་གི་ཤམ་ཐབས་རབ་ཏུ་མཛེས།། ཀླུ་ཆེན་བརྒྱད་ཀྱིས་ཡན་ལག་བརྒྱན།། བརྒྱ་ཕྱེད་ཐོད་པའི་ཕྲེང་བས་མཛེས།། དེ་ལྟར་རྫོགས་པར་བསྐྱེད་ནས་ནི།། རང་སྙིང་པད་ཉིར་ཧཱུཾ་གནས་པ།། ཧཱུཾ་ལས་གྲི
185b2 གུག་ཧཱུཾ་ཉིད་མཚན།། དེ་ཡི་འོད་ཟེར་རབ་སྤྲོས་པས།། བླ་མ་སངས་རྒྱས་ཐམས་ཅད་དང་།། བྱང་ཆུབ་སེམས་དཔའ་ལ་སོགས་པ།། དཔལ་ལྡན་ནག་པོའི་རང་བཞིན་དུ།། བཀུག་ནས་གཉིས་སུ་མེད་པར་བྱ།། ཛཿཧཱུཾ
185b3 བཾ་ཧོཿ། འདི་ཡིས་གཅིག་ཏུ་བྱས་ནས་ནི།། ཐུགས་ཀའི་འོད་ཟེར་ལས་བྱུང་བའི།། ཡེ་ཤེས་ཆུ་ཡི་དབང་བསྐུར་བྱ།། ཞེས་བཅོམ་ལྡན་འདས་ཀྱིས་བཀའ་སྩལ་ཏོ།། དེ་ནས་དཔལ་ནག་པོ་ཆེན་པོས་གསོལ་པ། བཅོམ
185b4 ལྡན་འདས། ལྷ་ཡི་ཆོ་ག་ལྡན་གྱུར་ནས།། ལས་ཀྱི་སྦྱོར་བ་ཇི་ལྟར་ལགས།། བཅོམ་ལྡན་འདས་ཀྱིས་བཀའ་སྩལ་པ།། འདི་ཡི་ལས་ཀྱི་ཆོ་ག་རྣམས།། ལྷ་ཡི་སྦྱོར་བ་རྫོགས་བྱེད་ཀྱིས།། སྔགས་ཀྱི་མཐུ་དང་ལྡན་གྱུར
185b5 ན།། ལས་ཀྱི་ཆོ་ག་ཐམས་ཅད་འགྲུབ།། ཅེས་བཅོམ་ལྡན་འདས་ཀྱིས་བཀའ་སྩལ་ཏོ།། དེ་ནས་ནག་པོ་ཆེན་པོས་གསོལ་པ།། བཅོམ་ལྡན་འདས།། ལྷ་ཡི་ཆོ་ག་ལྡན་གྱུར་ནས།། ལས་ཀྱི་ཆོ་ག་ཇི་ལྟར་ལགས།། བཅོམ
185b6 ལྡན་འདས་ཀྱིས་བཀའ་སྩལ་པ།། ཁྱད་པར་ལས་ཀྱི་ཆོ་ག་ནི།། རྣམ་པ་བཞི་རུ་ཤེས་པར་གྱིས།། གནས་དང་ལིངྒ་བཅའ་བ་དང་། དུས་དང་གསང་བའི་སྦྱོར་བའོ།། བསམ་གཏན་སྔགས་ཀྱིས་ཤེས་པར་གྱིས། ཞེས
iiif viewer powered by OpenSeadragon
