| e-texts navigator |
| Wylie |
185a1 དང་དངོས་མེད་གཉིས་སྤང་ཞིང་།། མཐའ་ལ་མི་གནས་རྣམ་པར་གྲོལ།། སྟོང་དང་མི་སྟོང་རང་བཞིན་གྱིས།། ངོ་བོ་ཉིད་ཀྱིས་རྣམ་པར་དག། དངོས་པོའི་སྙིང་པོ་བསྡུས་པ་ནི།། སྟོང་པ་ཉིད་དོན་གསལ
185a2 བར་བྱེད།། ཅེས་བཅོམ་ལྡན་འདས་ཀྱིས་བཀའ་སྩལ་སྷོ།། ཨོཾ་མ་ཧཱ་ཤུནྟ་ཏཱ་ཛྙཱ་ན་བཛྲ་སྭ་བྷཱ་བ་ཨཱཏྨ་ཀོ&ཧཾ། གཉིས་སུ་སྣང་བའི་དངོས་པོ་རྣམས།། གཉིས་མེད་ཡེ་ཤེས་ཆེན་པོ་ཡི།། སྟོང་པ་ཉིད་དུ་བསྒོམ་པར་བྱ།། དེ
185a3 ནས་དཔལ་ལྡན་ནག་པོ་བསྐྱེད།། སྟོང་པ་ཉིད་ལས་ཡི་གེ་བཾ།། སྣ་ཚོགས་པདྨ་ཉི་མར་བཅས།། དེ་ཡི་སྟེང་དུ་ཧཱུཾ་གནས་པ།། འོད་དུ་ཞུ་ནས་གྲི་གུག་གྱུར།། ཡུ་བ་ཉི་མ་ཧཱུཾ་གིས་མཚན།། ཧཱུཾ་གི་འོད་ཟེར་ཕྱོགས་རྣམས
185a4 སུ།། གྲི་གུག་འོད་དང་བཅས་པར་སྤྲོ།། འོད་ཀྱིས་གདུག་པ་བསལ་བྱས་ནས།། གྲི་གུག་གུར་དང་དྲ་བར་གྱུར།། དེ་ཡི་དབུས་སུ་ཆོས་འབྱུང་བསམ།། ནང་དུ་སྣ་ཚོགས་པད་ཉི་མ།། དེ་སྟེང་རོ་ཡི་གདན་ཉིད་དོ།། སྙིང
185a5 གར་ཟླ་བ་ཉི་མ་ནི།། ཨཱ་ལི་ཀཱ་ལིས་རྣམ་པར་བརྒྱན།། ཁ་སྦྱོར་དབུས་སུ་ཧཱུཾ་གནས་པ།། འོད་དུ་ཞུ་ནས་གྲི་གུག་གྱུར།། གྲི་གུག་ལུ་བ་ཧཱུཾ་གིས་མཚན།། སྒྲོ་དང་བསྡུ་བའི་ཆོ་ག་ཡིས།། དཔལ་ལྡན་ནག་པོ་ཆེན་པོར
185a6 བཞེངས།། ཞལ་གཅིག་པ་ལས་ཕྱག་གཉིས་པ།། གྲི་གུག་ཐོད་པ་ལག་ན་འཛིན།། སྤྱན་གསུམ་མེ་མདག་ཕུང་པོ་འདྲ།། དབུ་སྐྲ་ཁམ་སེར་གྱེན་དུ་འཁྱིལ།། རྔམ་པའི་མཆེ་བ་ཤིན་ཏུ་གཙིགས།། ཁ་ནས་ཁྲག་འཛག
iiif viewer powered by OpenSeadragon
