| e-texts navigator |
| Wylie |
183a1 བྱའོ།། དེ་ནས་དུར་ཁྲོད་ཀྱི་གནས་སུ་མཎྜལ་གྲུ་གསུམ་ཁྲུ་གང་གི་ཚད་དུ་སྦ་བྱས་ཏེ། བདུད་རྩི་རྣམ་པ་ལྔས་བྱུགས་ཏེ། དེའི་སྟེང་དུ་ཐོད་པར་ཡུངས་ཀར་བླུགས་ལ་གཞག་པར་བྱ་སྟེ། དེ་ལ་མཆོད
183a2 པ་དང་གཏོར་མ་ལ་སོགས་པ་བྱས་ནས་ཞག་གསུམ་དུ་སྔགས་ཀྱིས་བསྙེན་པ་བྱས་ན། དེས་ལས་ཐམས་ཅད་འགྲུབ་པར་འགྱུར་རོ།། དེ་ནས་ནག་པོ་ཆེན་པོས་བཅོམ་ལྡན་འདས་ལ་གསོལ་པ། བཅོམ་ལྡན་འདས
183a3 ལས་ཐམས་ཅད་འགྲུབ་པར་འགྱུར་བ་ཅི་ལགས། བཅོམ་ལྡན་འདས་ཀྱིས་འཁོར་གྱི་ཚོགས་རྣམས་ལ་གཟིགས་ནས་བཀའ་སྩལ་པ།། ཕ་རོལ་དམག་ཚོགས་གཡུལ་རྣམས་དང་།། གཅན་གཟན་ལ་སོགས་འཇིགས
183a4 པའི་ཚོགས།། གང་ཞིག་འབྱུང་པོ་སྟོབས་ཆེན་དང་།། ལོག་པའི་མཐུ་དང་ལྡན་པ་རྣམས།། དེ་དག་འཇིགས་པར་འགྱུར་བ་ནི།། ཡུངས་ཀར་ཆོ་ག་འདི་ཡིས་སོ།། ཨོཾ་མ་ཧཱ་ཀ་ལ་ཡ། པ་ར་ས་བ་པ་ར་ག་ན། བྷ་དྷ་བྷ་དྷ།
183a5 ཧ་ཏྲ་ཙཀྲ། ཨ་མུ་ཀ་ན། བྷ་དྷ་བྷ་དྷ། སྟ་མ་བྷ་ནི་སྟྭམ་བྷ་ནི་ཧཱུཾ་ཧཱུཾ་ཕཊ་སྭཱ་ཧཱ། དེ་ཡི་ཆོ་ག་ཡུངས་ཀར་ལ་བྱས་ན་དམག་དཔུང་རེངས་པར་འགྱུར་རོ།། ཨོཾ་མ་ཧཱ་ཀཱ་ལ་ཡ། སཾ་ག་ན་དྷ། ཧ་ན་ཧ་ན། ཧཱུཾ་ཧཱུཾ་ཕཊ་ཕཊ་སྭཱ་ཧཱ།
183a6 དེའི་ཆོ་གས་སེང་གེ་ལ་སོགས་པའི་གཅན་ཟན་གྱི་ཚོགས་འཇིགས་པར་འགྱུར་རོ།། ཨོཾ་མ་ཧཱ་ཀ་ལ་ཡ། སརྦ་བུདྡྷ་བི་ཤི་མ། པྲེ་ཏ་ཨ་ཏི་ག་ན། སྟམ་བྷ་ཡ་སྟམ་བྷ་ཡ། ཏྲ་ས་ཏྲ་ས། མཱ་ར་ཡ་མཱ་ར་ཡ། བི་དྷཾ་ས་ལ་བི་དྷཾ་ས
iiif viewer powered by OpenSeadragon
