| e-texts navigator |
| Wylie |
182b1 བྱའོ།། དེ་ནས་མེ་ཏོག་དམར་པོས་ཐོད་པ་བཀང་ལ་དཔལ་ནག་པོ་ཆེན་པོའི་བསམ་གཏན་གྱིས་མངོན་པར་བསྔགས་ན། ཐོད་པའི་མེ་ཏོག་དྲི་དང་ལྡན་ཏེ་གཡོ་བར་འགྱུར་རོ།། དེའི་ཚེ་ཐོད་པའི་མེ་ཏོག་དེ་དཔལ
182b2 ནག་པོ་ཆེན་པོའི་བསམ་གཏན་གྱིས། རྒྱལ་པོའམ་བློན་པོའི་ལག་ཏུ་བྱིན་པ་ཙམ་གྱིས་དབང་དུ་འགྱུར་རོ།། དེ་ནས་གཞན་ཡང་ལས་ཐམས་ཅད་སྒྲུབ་པའི་ཡུངས་ཀར་གྱི་ཆོ་ག་ལ་བརྩོན་པར་བྱ་སྟེ། དེ་ལ་ཐོད་པ་དུམ
182b3 བུ་གསུམ་པར་དུར་ཁྲོད་ནས་ས་བླངས་ལ།། དཔལ་ནག་པོ་ཆེན་པོའི་བསམ་གཏན་གྱིས་བགེགས་བསྐྲད་དེ།། ལྷོ་ནུབ་མཚམས་སུ་ཁ་བལྟས་ཏེ་ཐོད་པ་ལ་འདི་བྲིས་ལ།། ཨོཾ་མ་ཧཱ་ཀ་ལ་ཡ། པ་ར་ས་བ་མཱི་ཐ་ཧི་བྷ་བཱ་ཡ
182b4 ཧཱུཾ་ཧཱུཾ་ཧཱུཾ་ཕཊ་སྭཱ་ཧཱ། ས་གཏིང་ཁྲུ་གང་ཚད་དུ་སྦ། དེའི་སྟེང་དུ་ཁྲུ་གང་ཆོས་འབྱུང་གཟུགས་སུ་འདུག་པར་བྱ། དེ་ནས་ནག་པོ་ཆེན་པོའི་ཐུགས་ཀའི་ས་བོན་ལས་འོད་ཟེར་ཡུངས་ཀར་ལ་ཐིམ་པར་བསམ་ལ་སྔགས་འདི
182b5 ཡུངས་ཀར་ལ་ལན་བདུན་ནམ་བཅུ་བཞིའམ་ཉི་ཤུ་རྩ་གཅིག་གམ་བརྒྱ་རྩ་བརྒྱད་བཟླས་ལ།། ཉི་མའི་ཟེར་ལ་གཟུགས་པར་བྱའོ།། དེ་ནས་བསྐོར་བ་ལན་ཉི་ཤུ་རྩ་གཅིག་བྱ་ཞིང་སྔགས་བཟླའོ།། གཏོར་མ་དང་མཆོད
182b6 པ་ཡང་བྱ། ཞག་བདུན་བདུན་ཞིང་དེ་ལྟར་བྱའོ།། ཨོཾ་མ་ཧཱ་ཀ་ལ་ཡ། ཨུད་ག་ཏེ་ཧཱུཾ་ཕཊ། ཅེས་བཟླས་ཞིང་ཡུངས་ཀར་སྨིན་པའི་དུས་སུ། དཔལ་ནག་པོ་ཆེན་པོའི་བསམ་གཏན་དང་ལྡན་པས་ཡུངས་ཀར་བླང་བར
iiif viewer powered by OpenSeadragon
