| e-texts navigator |
| Wylie |
181b1 གསུམ་པར་རྟ་ནག་པོའི་ཁྲག་དང་དུ་རའི་ཁུ་བ་དང་། མ་ཏ་ནའི་ལོ་མ་རྣམས་ཟླ་བ་གཟས་ཟིན་པའི་དུས་སུ། དཔལ་ནག་པོ་ཆེན་པོའི་བསམ་གཏན་དང་ལྡན་པས་སྣག་ཚ་བྱས་ཏེ། བུས་པ་ལོ་བཅུ་གཉིས་པའི་རྐང་གི
181b2 སྨྱུག་གུས་ཐོད་པ་ལ་འཁོར་ལོ་བྲི་བར་བྱའོ།། རྩིབས་དྲུག་པ་ལ་འཕར་མ་གཉིས་པར་བྱས་ནས་ཤང་ལ་སོགས་པའི་རིམ་པར་ཨོཾ་མ་ཧཱ་ཀ་ལ་ཡ། ནང་གི་རིམ་པ་ལའོ།། ཕྱི་རོལ་གྱི་རིམ་པ་ལ་གཡོན་སྐོར་དུ། ཨོཾ་ཨུ་ཙ་ཏ
181b3 ན་ཡ། དེ་ནས་ཕྱི་རོལ་གྱི་མུ་ཁྱུད་གཡོན་འཁོར་དུ། ཨོཾ་མ་ཧཱ་ཀཱ་ལ་ཡ། བ་ཏ་ན་ཡ། ཨ་མུ་ཀ་ཨུ་ཙ་ཏ་ན་ཡ། མ་ཧཱ་ཀཱ་ལ་ཡ། ཏ་བའི་ཁ་ན་ལ་ག་ཧཱུཾ་ཧཱུཾ་ཕཊ་ཕཊ་སྭཱ་ཧ། དེ་ཡི་ཆོ་ག་བདག་ཉིད་ཀྱི་ལུས་བདུད་རྩིས་བྱུག་ལ།།
181b4 བསྒྲུབ་བྱའི་ཕྱོགས་སུ་ཁ་ལྟས་ཏེ། འཁོར་ལོ་མཎྜལ་གྱི་སྟེང་དུ་ཁ་སྦུབ་ཏུ་བཞག་ལ་མི་ནག་པོ་སྨེ་བ་ཡོད་པའི་སྲེ་ལོང་གི་ཐོ་བ་དང་རྗེ་ངར་གྱི་ཕུར་པས་གདབ་ཅིང་བརྡུང་བར་བྱའོ།། དེ་བཞིན་དུ་དཔལ་ནག་པོ་ཆེན་པོའི
181b5 སྦྱོར་བས། དུས་གསུམ་དུ་བསྒྲུབ་པར་བྱ་བ་ལ། བསྒྲུབ་བྱའི་ས་ཕྱོགས་སམ་ཁྱིམ་གྱི་སླད་དུ་སྦ་བར་བྱས་ན་གང་ཞིག་བསྒྲུབ་བྱ་དེ་ཁྱབ་འཇུག་ཡིན་ཡང་སྐྲོད་པར་འགྱུར་རོ།། ཙུ་ཚུན་ད་རའི་པགས་པ་ལ་དུར་ཁྲོད་ཀྱི
181b6 སྣག་ཚས་འཁོར་ལོ་བྲིས་ལ། བསྒྲུབ་བྱའི་དྲི་མའི་ས་རིགས་ཤོ་མང་གི་ཁུ་བས་སྦྲུས་ལ་བསྒྲུབ་བྱའི་གཟུགས་བྱས་ནས། སྙིང་གར་མིང་གི་ཡི་གེ་དང་ལྡན་པར་བྱས་ལ། འཁོར་ལོའི་ནང་དུ་གཞུག་པར་བྱ་སྟེ། སྤྲེའུ་རྒྱུས
iiif viewer powered by OpenSeadragon
