| e-texts navigator |
| Wylie |
178b1 ཀྱིས། ཨོཾ་མ་ཧཱ་ཀ་ལ་སུམ་མྲ་ཏི་སྭཱ་ཧཱ། ཧཱུཾ་ཞེས་བརྗོད་པས། དེ་ནས་ནག་པོ་དང་འཁོར་གྱི་ཚོགས་རྣམས་ཀྱིས་དྲན་པ་རྙེད་པར་གྱུར་ཏོ། བཅོམ་ལྡན་འདས་དཔལ་ནག་པོ་ཆེན་པོ་ལ། དཔལ་ནག་པོ་ཆེན་པོ་དང་མཁའ
178b2 འགྲོ་མ་རྣམས་ཀྱིས་རང་གི་སྲོག་གི་སྙིང་པོ་ཕུལ་བ། ཨོཾ་མ་ཧཱ་ཀཱ་ལ་ཡ་མུག་ཤཾ་རག་ཏུ་མ་ཧཱ་ཀ་ལ་རག་ཏུ་ཨ་པར་བྱི་ཤ་ཧཱུཾ། ཞེས་གསོལ་ཏོ། དེ་ནས་བཅོམ་ལྡན་འདས་ཀྱིས་བཀའ་སྩལ་པ།། འཁོར་གྱི་དབང་ཕྱུག
178b3 ལེགས་སོ་ལེགས།། ནག་པོ་ཆེན་པོ་ལེགས་སོ་ལེགས།། ཁྱོད་ལ་ནག་པོ་ཆེན་པོའི་རྒྱུད།། དུར་ཁྲོད་ཆེན་པོ་ཞེས་བྱ་བཤད་པར་བྱ། ཞེས་བཅོམ་ལྡན་འདས་ཀྱིས་བཀའ་སྩལ་ཏོ།། དེ་ནས་དཔལ་ནག་པོ་ཆེན་པོ་དང་།།
178b4 འཁོར་གྱི་ཚོགས་ཀྱིས་གསོལ་པ། བཅོམ་ལྡན་འདས། ནག་པོ་ཆེན་པོའི་རྒྱུད་ཅེས་བྱ་བ་ཇི་ལྟར་ལགས། བཅོམ་ལྡན་འདས་ཀྱིས་བཀའ་སྩལ་པ། སྲིད་གསུམ་ལོག་པའི་ཕྱོགས་འཛིན་པ།། བདུད་དང་མུ་སྟེགས་སྲིན
178b5 པོ་དང་།། ལྷ་མ་ཡིན་དང་གནོད་སྦྱིན་ཚོགས།། ཤཱཀྱ་སེང་གེའི་བསྟན་པ་ལ།། གནོད་ཅིང་འཇིག་པར་བྱེད་པ་རྣམས།། གང་ཞིག་བསྟན་པ་འཇིག་བྱེད་པ།། དེ་དག་འཇོམས་པར་བྱེད་པ་ཡི།། རྒྱུད་ཀྱི་ཆོ་ག་འདི་དག
178b6 བཤད།། དང་པོ་རྒྱུད་ཀྱི་གླེང་གཞི་དང་།། གཉིས་པ་སྔགས་ཀྱི་སྦྱོར་བ་དང་།། གསུམ་པ་ལྷ་མི་ཆོ་ག་དང་།། བཞི་པའི་དཀྱིལ་འཁོར་རབ་གནས་དང་།། ལྔ་པར་བུའི་ཆོ་ག་དང་།། དྲུག་པ་ལྷ་ཡི་འཁོར་ལོ་དང་།། བདུན
iiif viewer powered by OpenSeadragon
