| e-texts navigator |
| Wylie |
178a1 ཏིང་ངེ་འཛིན་ལ་སྙོམས་པར་ཞུགས་ཏེ། དེའི་ཚེ་བཅོམ་ལྡན་འདས་དཔལ་ནག་པོ་ཆེན་པོས་གྲི་གུག་ལྕགས་ཀྱུའི་ཚུལ་དུ་བཟུང་ནས། ཨོཾ་མ་ཧཱ་ཀཱ་ལ་ཡ་ཧཱུཾ་ཧཱུཾ་ཕཊ་སྭཱ་ཧཱ། ལྕགས་ཀྱུའི་འོད་ཟེར་དང་བཅས
178a2 ནས་བརྗོད་པས། མདུན་གྱི་ནག་པོ་ཆེན་པོ་ཏིང་ངེ་འཛིན་ལས་སད་པར་གྱུར་ཏོ།། དེ་ནས་ནག་པོ་ཆེན་པོ་དགའ་བར་གྱུར་ཏེ། ཐལ་མོ་སྦྱར་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བདག་ནི་གཙོ་བོའི
178a3 འོད་ཟེར་གྱིས།། ཕོག་ནས་ཤིན་ཏུ་བདེ་བར་འགྱུར།། གཙོ་བོ་བཅོམ་ལྡན་ནག་པོ་ཆེ།། བདག་ནི་བདེ་བ་ཆེན་པོར་གནས།། ཞེས་གསོལ་ཏོ།། དེ་ནས་བཅོམ་ལྡན་འདས་ཀྱིས་བཀའ་སྩལ་པ།། ཁྱོད་ནི་གསང་བ
178a4 གསུམ་གྱི་བདག། དུས་གསུམ་སངས་རྒྱས་ཐམས་ཅད་ཀྱི།། བསྟན་པ་བསྲུང་བར་བྱིན་གྱིས་བརླབས།། ཁྱོད་ནི་དཔལ་ལྡན་ནག་པོ་ཆེ།། བསྟན་པ་བསྲུང་བར་ཁས་བླངས་པ།། ཤཱཀྱ་སེང་གེའི་བསྟན་པ་ལ།། དམ
178a5 ཚིག་ཆེན་པོར་གནས་པར་གྱིས། ཞེས་བཅོམ་ལྡན་འདས་ཀྱིས་བསྐའ་སྩལ་པས། དཔལ་ནག་པོ་ཆེན་པོ་དང་། ཐུགས་རྡོ་རྗེ་ལས་སྤྲུལ་པའི་མཁའ་འགྲོ་མ་དང་། དམ་ཚིག་སྤྲུལ་པའི་མཁའ་འགྲོ་མ་དང་། ལས་ལས
178a6 ཡོངས་སུ་གྲུབ་པའི་མཁའ་འགྲོ་མ་དང་། འཇིགས་བྱེད་དང་འཇིགས་བྱེད་མ་ལ་སོགས་པ་རྣམས། ཤིན་ཏུ་འདར་བ་དང་། སྐྲག་པ་དང་། ཤིན་ཏུ་མི་ཟད་པར་དྲན་པ་ཉམས་པར་གྱུར་ཏོ། དེ་ནས་བཅོམ་ལྡན་འདས
iiif viewer powered by OpenSeadragon
