| e-texts navigator |
| Wylie |
176b1 བཀའ་རྒྱུད་རོལ་པ་ལས།། སྒྲུབ་དང་འཆང་དང་གཉེར་བ་དང་།། ཁྲག་གི་གསུམ་པ་གཟུང་བར་བཤད།། རྣལ་འབྱོར་སྒྲུབ་པའི་གྲོས་གྱིས་ཤིག། ང་ཡང་དམ་ལས་མི་གཡེལ་སྲུང་།། དེ་ཕྱིར་གསང་བའི་རྒྱུད་དོན
176b2 གཏད།། ཅེས་གསུངས་ཏེ་མི་སྣང་བར་གྱུར་ཏོ།། འཁོར་འདུས་པ་ཐམས་ཅད་རྗེས་སུ་ཡི་རངས་ཤིང་མངོན་པར་བསྟོད་དོ།། དཔལ་མགོན་པོ་ནག་པོ་དུར་ཁྲོད་མངོན་པར་རོལ་པ་མཚོན་ཆ་འཁོར་ལོའི་རྒྱུད་ལས།
176b3 ལས་གདམས་ཤིང་གཏད་པའི་ལེའུ་སྟེ་སོ་དྲུག་པའོ།། །། དཔལ་མགོན་པོ་ནག་པོ་དུར་ཁྲོད་མངོན་པར་རོལ་པ་མཚོན་ཆ་འཁོར་ལོའི་རྒྱུད་རྫོགས་སོ།། །། རྒྱ་གར་གྱི་མཁན་པོ་བྲམ་ཟེ་གསལ་བའི་རྒྱན
176b4 དང་།། བལ་པོའི་རྒྱལ་པོ་བ་སུ་དྷ་རས་བསྐུར་བའོ།། །།
176b5 རྒྱ་གར་སྐད་དུ། ཤྲཱི་མ་ཧཱ་ཀ་ལ་ཏྭཱ་ཏྲ་མ་ཧཱ་ཤྭཱ་ས་ན་ཏནྟྲ་ནཱ་མ། བོད་སྐད་དུ། དཔལ་ནག་པོ་ཆེན་པོ་དྲག་པོའི་བརྟག་པ་དུར་ཁྲོད་ཆེན་པོ་རྒྱུད་ཅེས་བྱ་བ། དཔལ་རྡོ་རྗེ་མཁའ་འགྲོ་མ་ལ་ཕྱག་འཚལ་ལོ།། ནམ
176b6 མཁའ་དང་མཉམ་འཁོར་ལོའི་བདག། ཐུགས་ཀྱི་རྡོ་རྗེ་བརྒྱད་ཀྱིས་བསྐོར།། དེ་སྦྲུལ་ནག་པོ་ཆར་སྤྲིན་མདོག། ལག་ན་གྲི་གུག་ཐོད་པ་འཛིན།། འཁོར་དང་བཅས་ལ་ཕྱག་འཚལ་ལོ།། འདི་སྐད་བདག་གིས་ཐོས་པ
iiif viewer powered by OpenSeadragon
