| e-texts navigator |
| Wylie |
175b1 གཏན་ཚིགས་ཀྱི་ལེའུ་སྟེ་སོ་ལྔ་པའོ།། །། དེ་ནས་འཁོར་ལ་རྒྱུད་གཏད་པ་འདི་གསུངས་སོ།། ཨེ་མ་ཧོ་འཁོར་དུ་འདུས་པའི་ཚོགས།། ཆོས་སྐུ་རྣམ་དག་བརྗོད་མེད་པས།། གདུལ་དཀའ་དྲག་པོ་འདུལ་བའི
175b2 ཕྱིར།། བདེ་གཤེགས་ལོངས་སྤྱོད་རྫོགས་སྐུར་བཞེངས།། སྤྲུལ་པ་གང་ལ་གང་འདུལ་སྟོན།། གསང་སྔགས་ཐུགས་རྗེ་རོལ་པར་ཤར།། རྟགས་དང་ཐུགས་རྗེ་སྦྱིན་བདག་དཔལ།། དེ་ཡི་ཕྲིན་ལས་འགྲོ་བའི
175b3 མགོན།། གནས་ལུགས་རྟོགས་པས་འགྱུར་བ་མེད།། ཆོས་ཉིད་ངང་དུ་མཚན་མ་ཡི།། རྣམ་རྟོག་བསྡུས་བཅོམ་དུར་ཁྲོད་ཡིན།། གནས་ལུགས་མངོན་པར་རྫོགས་སངས་རྒྱས།། ཡེ་ཤེས་རོལ་པ་ཅིར་ཡང་འཆར།། ཞེན
175b4 སྣང་རྟོག་པའི་བག་ཆགས་དང་།། ཞིང་བཅུ་གཅོད་པའི་མཚོན་ཆ་ཡིན།། འཁོར་ལོ་རྣམ་པ་གསུམ་ཡིན་ཏེ།། གནས་པ་རྩ་ཡི་ཙཀྲ་དང་།། རྟེན་འབྲེལ་སྲིད་པའི་འཁོར་ལོ་དང་།། ལས་གྲུབ་སྔགས་ཀྱི་འཁོར
175b5 ལོའོ།། དང་པོ་བདེ་ཆེན་ལོངས་སྤྱོད་དང་།། ཆོས་དང་སྤྲུལ་པ་སྐྱེ་གནས་ལྔ།། གནས་ལུགས་ཆོས་སྐུའི་འཁོར་ལོའོ།། སེམས་ཀྱིས་དེ་རྟོག་དེ་ཉིད་གྲོལ།། རྟེན་འབྲེལ་སྲིད་པའི་འཁོར་ལོ་ནི།། ནམ་ཟླ་དུས་བཞི་ལོ་ཟླ
175b6 ཞག། འཇིག་དང་སྟོང་དང་ཆགས་པ་རྣམས།། སྐྱེ་རྒ་ན་འཆི་བཞི་ལྡན་པས།། མགལ་མེ་ལྟ་བུར་འཁོར་ཞིང་གནས།། ཤིང་རྟའམ་ཟོ་ཆུན་ལྟ་བུའོ།། ལས་གྲུབ་འཁོར་ལོ་གསུམ་ཡིན་ཏེ།། བསྙེན་པ་གནས་འགྱུར་ལྷ་ཡི
iiif viewer powered by OpenSeadragon
