| e-texts navigator |
| Wylie |
174b1 ནས་རཱུ་ཏྲ་ནག་པོ་དེས།། རང་གི་ང་རྒྱལ་ཧཱུཾ་སྐད་ཀྱིས།། རང་གི་བདུད་ཀྱི་དམག་ཚོགས་བསྡུས།། འདུ་འདུ་གྲམ་གྲམ་འདི་ལ་ཟུང་།། མཛའ་བཤེས་རྟག་པར་མ་བྱུང་ན།། སྐྱིད་པའི་གྲོགས་ཀྱིས་མི་ཕན་པས།། གང
174b2 འདར་ལས་རྣམས་དུས་ལ་བབ།། བརྗོད་པས་བདུད་དམག་བྱེ་བ་འདུས།། མཚོན་ཆའི་དཔལ་ནི་སྤྲིན་ལྟར་གཏིབས།། བསོ་དང་ཆོ་ཡི་སྒྲ་བསྒྲགས་ཏེ།། མ་ལ་ཡ་ཡི་རྩེ་ལ་ཆས།། དེ་ནས་རྡོ་རྗེ་རྟ་གདོང་གིས།། རྡོ་རྗེ
174b3 འགྲོས་བུའི་སྟངས་སྟབས་མཛད།། གར་དགུའི་འབར་བའི་གླ་བླངས་པས།། ཁྱོ་བོ་སྒྲོལ་ལ་ཆུང་མ་དྲོངས།། ཕྱོགས་རིས་མེད་པའི་སྙིང་རྗེས་བསྐུལ།། རྡོ་རྗེ་རྟ་གདོང་གཟི་བརྗིད་ཀྱིས།། བདུད་དམག་ཐམས་ཅད་ཟིལ
174b4 གྱིས་མནན།། རུ་མཚོན་སྤྲིན་ཕུང་སྟོང་ཉིད་སངས།། མི་སྙན་སྒྲ་རྣམས་སྔགས་སྒྲར་བསྒྱུར།། བདུད་ཀྱི་འཁོར་ཚོགས་ཐམས་ཅད་ཀུན།། རྟ་མགྲིན་དམ་ལ་སྐྱབས་སུ་དོང་།། དེ་ནས་རཱུ་ཏྲ་ཐབས་ཟད་དེ།། རང་གི་རྫུ
174b5 འཕྲུལ་སྔགས་ལྔ་ཡིས།། རཱུ་ཏྲ་ལྔ་ཡི་མཐུ་བསྐྱེད་ཀྱང་།། དཔལ་གྱི་དེ་བས་མཐུ་ཆེ་བས།། མཐུ་སྟོབས་མེད་པར་བརྒྱལ་བར་གྱུར།། དཔལ་གྱི་ཐུགས་རྗེའི་གསུང་དུ་བརྗོད།། སྲོག་གི་དབང་པོ་མི་བཟོད་ཀྱང་།། སྔོན
174b6 འབྱུང་དུས་ནས་འབྲེལ་པ་ཡིས།། གང་དེར་མདུན་གྱི་ཕྱོགས་ནས་བསྒྲལ།། རྩེ་གསུམ་འབར་བའི་ཕྱག་རྒྱ་བཅས།། རཱ་ཏྲའི་རི་བོ་བཅོམ་དབང་གིས།། ཕྱག་རྒྱས་རོལ་ཏེ་ཕྱལ་དུ་སྦྱངས།། ཐུགས་དམ་དབང་གིས
iiif viewer powered by OpenSeadragon
