| e-texts navigator |
| Wylie |
174a1 ཆགས་ཐབས་ཀྱི་སྦྱོར་བ་ཡིས།། རིགས་དང་མཐུན་པའི་སྲས་དེ་མཐོང་། དེ་བཞག་གཞན་རྣམས་རིང་དུ་སྤྲད།། ཡེ་ཤེས་སྤྲུལ་པའི་འཁོར་དུ་ལྡན།། འདོད་པའི་དབང་མོ་བསྐམས་མ་ལ།། འདོད
174a2 པས་ཞེ་སྡང་ཐེ་ཚོམ་སྐྱེས།། དཔལ་གྱིས་སྲིན་སྐད་གསུངས་བསྒྲགས་པས།། ཐེ་ཚོམ་ཆོད་དེ་སྐུ་ལ་འཁྲིལ།། འཇིག་རྟེན་དྲེགས་པའི་སྲོག་སྔགས་དེ།། ཡེ་ཤེས་ལྷ་ཡི་སྙིང་པོར་བརླབས།། ལྷུམས་སུ་རྡོ་རྗེ་སྲིན་པོ
174a3 བཞག། དཔལ་ཆེན་གཤེགས་ནས་ཁོ་འོངས་པས།། གནས་དང་འཁོར་ཀུན་མེད་བཞིན་འཇིགས།། བདག་གི་དབང་མོ་འཁོར་རྣམས་ཀུན།། སྔོན་དང་མི་འདྲ་ངེས་སྙམ་པས།། ཆགས་པའི་དབང་མོས་འདི་སྐད
174a4 བརྗོད།། ཨེ་མ་དཔའ་བོ་སྒེག་པོ་ཁྱོད།། བདག་གི་མངལ་ནི་མི་བདེ་བས།། ཁྱོད་ཀྱི་དངོས་པོ་ཕྱིན་པ་ལས།། འཁོར་གྱི་ནང་དུ་འདི་གསུང་ངམ།། བརྗོད་པས་མདངས་ལ་ཆགས་གྱུར་ཏེ།། དགའ་བའི་ཐབས་ཀྱིས
174a5 གཉིས་མེད་འཁྲིལ།། དེ་ནས་བུ་ཏྲ་འཐོན་བྱུང་ནས།། ཁོ་རང་ལྟ་བུའི་རིགས་སུ་བྱུང་།། ནག་པོ་དཔོན་གཡོག་ཡི་རང་དགའ།། མྱུར་བར་བུ་ཏྲ་ལུས་བལྟམ་སྟེ།། སྲིན་སྐད་ཐང་གསུམ་བསྒྲགས་པ་ལས།། དཔལ་གྱི་རྔམ
174a6 སྒྲ་དྲག་ཏུ་གྱུར།། དྲག་པོ་དྲག་མོ་འཁོར་ཚོགས་བརྒྱ་ལ།། སངས་ནས་བལྟས་པས་ཆ་ལུགས་འགྱུར།། སྔོ་ནག་དབུ་དགུ་བཅོ་བརྒྱད་ཕྱག། སྔོན་དུ་བརྗོད་པ་ཉིད་དུ་གྱུར།། ནག་པོའི་སྟོབས་དང་དབང་ཐང་ཕྲོགས།། དེ
iiif viewer powered by OpenSeadragon
