| e-texts navigator |
| Wylie |
171b1 རྗེའི་བཀའ་བསྒོ་ལོག། སྒྲ་བཞིན་སྤྱད་ཅིང་འདོད་དགུར་འཇོམས།། ལྟ་བ་ཐམས་ཅད་ལོག་པར་འགྱུར།། ཐམས་ཅད་ལོག་པའི་རྒྱ་མཚོར་ཞུགས།། ལོག་པའི་དཀའ་ཐུབ་དྲག་པོ་དང་།། ལོག་པའི་བརྟུལ་ཞུགས
171b2 ཆེན་པོ་ཡིས།། ཤ་རློན་ཟ་ཞིང་ལྤགས་རློན་གྱོན།། ཤ་ཟའི་ཛག་པ་མང་བསོགས་ཏེ།། ཐམས་ཅད་བསད་ཅིང་ཤ་རློན་ཟོས།། རིག་བྱེད་སྔགས་ཀྱི་བརྡ་སྤྲོས་ཏེ།། མོ་རིགས་ཕྲད་པ་ཐམས་ཅད་སྦྱང་།། དངོས་པོ་གཤིས
171b3 ལས་འདས་ཤིང་འཁྲུལ།། གནས་པའི་དུས་མེད་ཚེ་ཟད་ནས།། སྐྱེ་བ་ལྔ་བརྒྱར་ཅེ་སྤྱང་ལུས་སུ་སྐྱེས།། གཉེན་པོས་བསད་ཅིང་ཚེ་འཕོས་གྱུར།། ངན་སྤྱུགས་ཕྱི་ཡི་སྲིན་བུ་དང་།། མི་གཙང་ནང་གི་སྲིན་བུར
171b4 སྐྱེས།། གཉེན་པོས་བསད་ཅིང་ཚེ་འཕོས་འགྱུར།། རོ་དང་སྟོང་ཕྲག་རེ་ལྡེ་ཡི།། ནང་ན་གནས་པའི་སྲོག་ཆགས་གྱུར།། དེ་མཐར་མངལ་གྱི་སྲིན་བུར་སྐྱེས།། ན་རག་རྡོ་རྗེ་དམྱལ་བར་གྱུར།། ཚེ་ཚད་ཚེ་ལོ་བརྒྱད་ཁྲིར
171b5 གནས།། ཐུབ་པ་ཆོས་ཀྱི་རྒྱལ་པོ་ཡིས།། ལས་སུ་བསྟན་པས་དེར་ཤེས་ཏེ།། འགྱོད་པས་རིམ་བཞིན་ཚ་དམྱལ་བརྒྱད།། རིམ་བཞིན་གོང་ནས་གོང་དུ་འཕོས།། བདེ་བ་བྲལ་ཞིང་ཡུན་རིང་འཁོར།། དེ་ནས་བསད
171b6 ཅིང་ཐོན་ཐར་ནས།། ནད་མཚོན་མུ་གེའི་བསྐལ་པ་བརྒྱུད།། གཞན་གྱི་ལོངས་སྤྱོད་ཕྱིར་བསད་དེ།། གཤིན་རྗེའི་འཇིག་རྟེན་འཇུངས་པ་དང་།། ཤ་ཟ་མ་དང་སྲུལ་པོར་སྐྱེས།། དེ་ལྟར་སྐྱེ་བ་བརྒྱུད་པའི་མཐར།། ལྷོ
iiif viewer powered by OpenSeadragon
