| e-texts navigator |
| Wylie |
170a1 ཆེན་ནས།། ཀླུ་གཉེན་ནག་པོ་སྲོག་ལེན་ཡང་།། རིན་ཆེན་མཁར་ནས་སྐུ་བསྐྱོད་ལ།། དགྲ་ལ་མཛེ་ཤུ་ཕོལ་འབྲས་ཐོང་།། བཙན་ཡུལ་ཟངས་ཐང་དམར་པོ་ནས།། བཙན་རྗེ་ཤུ་པོ་ལག་རིང་ཡང་།། བསེ
170a2 མཁར་ནང་ནས་སྐུ་བསྐྱོད་ལ།། དགྲ་ལ་གྲི་ཐབས་ཐོང་ལ་སྒྲོལ།། ཤར་ཕྱོགས་རིན་ཆེན་གླིང་ཐང་ནས།། གིང་ཆེན་རྡོ་རྗེ་ལེགས་པ་ཡང་།། ལུང་ཐང་མཁར་ནས་འདིར་བྱོན་ལ།། དགྲ་ལ་ཕོ་ལྐོག་ཧུར་ཟུམ་ཐོང་།། ཞེས
170a3 གསུངས་སོ།། དཔལ་མགོན་པོ་ནག་པོ་དུར་ཁྲོད་མངོན་པར་རོལ་པ་མཚོན་ཆ་འཁོར་ལོའི་རྒྱུད་ལས། སྒྲོལ་གིང་ཆེན་པོ་ལས་ལ་བསྐུལ་བའི་ལེའུ་སྟེ་སོ་གསུམ་པའོ།། །། དེ་ནས་དཔའ་བོ་གིང་ཆེན་གྱི
170a4 བསྐུལ་བ་འདི་གསུངས་སོ།། བྷྱོ། དུར་ཁྲོད་ཐོད་པའི་སྐུ་མཁར་ནས།། གསང་བདག་ཐུགས་ཀྱི་སྤྲུལ་པ་ནི།། གསོད་བྱེད་གིང་ཆེན་ལས་ལ་བསྐུལ།། སྐུ་མདོག་དམར་པོ་ཁྲོས་པ་ལ།། གདུག་པའི་མེ་འོད་ལམས་སེ
170a5 ལམ།། དབུ་ལ་བསེ་རྨོག་དམར་པོ་གསོལ།། ཉི་མ་འབུམ་གྱི་འོད་ཟེར་འཕྲོ།། ལེ་བརྒན་དར་གྱི་ཅོད་པན་ལ།། སྤྲུལ་པའི་འོད་ཟེར་མང་པོ་འཁྲུག། སྤྱན་མིག་དམར་པོ་བཟློག་པ་ཡིས།། བདུད་དང་མུ་སྟེགས་ཟིལ
170a6 གྱིས་གནོན།། ཁྲོས་པའི་གད་མོ་རྐན་བརྡབས་པས།། མ་ཚོགས་སྲིན་པོ་འདར་སྨྱུག་སྤྲུག། གསང་བའི་སྤྱུགས་པ་ཚེ་རེ་རེ།། སྒྲོལ་གིང་དམར་པོ་ལས་ལ་འགྱེད།། ཕྱག་གཡས་ཟངས་གྲི་རྣོ་དཔལ་གྱིས།། ཉམས་པ
iiif viewer powered by OpenSeadragon
