| e-texts navigator |
| Wylie |
169a1 རྣམས།། ཁྱོད་ཀྱིས་ཤར་ཕྱོགས་དགྲ་བགེགས་ཐུལ།། ལྷོ་ཕྱོགས་རིགས་ཀྱི་ཟ་བྱེད་མ།། སེར་མོ་རལ་ཅན་ཁྲོས་པའི་གདོང་།། རིན་ཆེན་རིགས་ཀྱི་རྣལ་འབྱོར་མ།། ཁྱོད་ཀྱིས་ལྷོ་ཡི་དགྲ
169a2 བགེགས་ཟུལ།། ནུབ་ཕྱོགས་ཁམས་ཀྱི་ཟ་བྱེད་མ།། དམར་མོར་རལ་ཅན་ཕོ་ཉར་བཅས།། པདྨ་རིགས་ཀྱི་རྣལ་འབྱོར་མ།། ཁྱོད་ཀྱིས་ནུབ་ཀྱི་དགྲ་བགེགས་ཐུལ།། བྱང་གི་ཕྱོགས་ཀྱི་ཟ་བྱེད་མ།། ལྗང་ནག་རལ་ཅན
169a3 རྔམ་པའི་ཚོགས།། ལས་ཀྱི་རིགས་ཀྱི་རྣལ་འབྱོར་མ།། ཁྱོད་ཀྱིས་བྱང་གི་དགྲ་བགེགས་ཐུལ།། ཞེས་གསུངས་སོ།། དཔལ་མགོན་པོ་ནག་པོ་དུར་ཁྲོད་མངོན་པར་རོལ་པ་མཚོན་ཆ་འཁོར་ལོའི་རྒྱུད་ལས། མ་མོའི
169a4 ཚོགས་བསྐུལ་བའི་ལེའུ་སྟེ་སོ་གཉིས་པའོ།། །། དེ་ནས་དྲག་པོ་གཤིན་རྗེ་ལྟར་བསྐུལ་བ་འདི་གསུངས་སོ།། བྷྱོ། དུར་ཁྲོད་ཆེན་པོའི་གནས་མཆོག་ནས།། རཀྟའི་རྒྱ་མཚོའི་རྦ་ཀློང་འཁྲུག། ཐོད་མཁར་སྒོ
169a5 མེད་ནང་ཤེད་ན།། མི་རོ་རྟ་རོ་གཅལ་དུ་བཀྲམ།། གཟས་པའི་གདན་ལ་སྟག་ཆེན་ཁྲི།། མེ་དཔུང་ཀློང་ནས་སྐུ་བྱུང་བ།། མཱ་ཧཱ་ཀཱ་ལ་མགོན་པོ་ཆེ།། བདུད་འདུལ་དབང་ཕྱུག་འདུལ་བའི་གིང་།། སྐུ་མདོག་དུག་ཆེན
169a6 འཁྱིལ་བ་འདྲ།། སྤྱན་གསུམ་སྡང་མིག་མེ་ལྟར་འབར།། དགྲ་བོའི་ལུས་སྲོག་དབང་པོ་འབྱིན།། ཤར་ནས་རིམས་དལ་རླུང་དམར་གཡོག། སྟོང་ཁམས་ཐམས་ཅད་ནད་ཀྱིས་ཁེངས།། ཞལ་གདངས་རྣོ་དཔལ་མཆེ་བ
iiif viewer powered by OpenSeadragon
